„Þar sem ég stend þarna og skima til lands sé ég allt í einu eld birtast sem stækkaði fljótt,“ segir Geir Zoёga, skipstjóri Polar Ammassak, en hann og áhöfnin urðu vitni að eldgosinu við Sundhnúkagígaröðina hefjast í gær.

Síldarvinnslan hf. deilir færslu þar sem kemur fram að grænlenska skipið Polar Ammassak var statt í um 7-8 mílna fjarlægð frá Krísuvíkurbjargi þegar gosið hófst.

Var skipið á leið til Hafnarfjarðar frá Danmörku þar sem þeir höfðu landað síld.

Mun aldrei gleyma þessu sjónarspili

Geir hafði verið að skima eftir ljósum í landi og sá svo allt í einu eldgosið hefjast.

„Mér datt strax í hug eldgos og fór og kannaði á netinu hvað fjölmiðlar segðu en þá voru engar fréttir af eldgosi. Ég kallaði strax á strákana og við fylgdumst agndofa með því sem var að gerast,“ er haft eftir Geir í færslunni.

Bjarminn var mikill og segir hann að þetta hafi verið heljarinnar sjónarspil.

„Hér var um að ræða einstaka upplifun og líklega fær maður ekki að upplifa neitt þessu líkt aftur í lífinu. Þessu mun maður aldrei gleyma,“ er haft eftir honum.

Tengdar fréttir

Eldvirkni á Reykjanesskaga

Tengist mögulega Sundhnúkagígaröðinni

• Skjálfti upp á 3,3 við Keili
• 760 manns eru í vinnu í Grindavík
• Kvika safnast fyrir og land rís við Svartsengi
• Drógu lærdóm af síðasta gosi

» Fleiri tengdar fréttir

• Blogga um frétt