Hluti úr sprengju kom í veiðarfærin

Hluti úr breskri sprengju kom í veiðarfæri ísfisktogarans Bjargar EA 7 við veiðar á Rifsbakka í gær, að því er segir í tilkynningu frá Samherja.

Haft var samband við Landhelgisgæslu sem staðfesti að brotið væri af MARK XVII-sprengju, eins og breski herinn notaði í seinni heimsstyrjöldinni.

Samherji vitnar í Árna Rúnar Jóhannesson skipstjóra sem segir að stýrimaðurinn Hreinn Birkisson hafi orðið var við torkennilegan hlut í trollinu og að ákveðið hafi verið að hífa upp veiðarfærin.

Þá hafi komið í ljós að um hlut af sprengjubrot væri að ræða og var strax haft samband við Landhelgisgæsluna.

Frétt af mbl.is

Öflugu tundurskeyti eytt úti fyrir Sandgerði

Lykilatriði að hreyfa ekki við sprengjunum

Árni Rúnar segir að ekkert grín sé að fá þessar gömlu sprengjur í veiðarfærin og um borð. Lykilatriði sé að hreyfa alls ekkert við þeim og allra síst að skila þeim aftur í hafið.

„Sem betur fer var þetta einungis hluti úr sprengju og engin hætta á ferðum. Við þurfum með öðrum orðum ekki að stíma í land, sem þarf að gera ef um er að ræða ósprungnar sprengjur,“ segir Árni Rúnar. 

Engu að síður sé þetta mjög óæskilegt og geta sprengjubrot eins og þessi hæglega skemmt veiðarfæri.

Björg EA nýmáuð við bryggju á Akureyri. Ljósmynd/Samherji

• Blogga um frétt