Engan veginn gott hvernig stjórnsýslu var háttað
Setja bókamerki
Stefán Vagn Stefánsson, oddviti Framsóknarflokksins í Norðvesturkjördæmi, segir í samtali við mbl.is að álit umboðsmanns Alþingis komi sér ekki á óvart.
Eins og greint var frá fyrr í dag er það álit umboðsmanns Alþingis að útgáfa reglugerðar Svandísar Svavarsdóttur, sem bannaði tímabundið hvalveiðar í sumar, hafi ekki samræmst kröfum um meðalhóf og hafi ekki átt sér nægilega skýra stoð í lögum.
„Einhvern veginn kom manni ekki á óvart að þetta yrði niðurstaðan og engan veginn gott að stjórnsýslan sé með þessum hætti,“ segir Stefán.
Ágætt að leyfa deginum að líða
Stefán var formaður atvinnuveganefndar er Svandís tók ákvörðunina og sagði hann þá að hann teldi vinnubrögð ráðherrans ekki standast.
Hann segir að þingflokkur Framsóknar hafi ekki boðað til auka fundar eins og þingflokkur Sjálfstæðisflokksins til að ræða þetta álit umboðsmanns.
„það er ágætt að láta þennan dag líða svo að menn átti sig á þessu og fái að lesa álitið, heyra svo kannski í ráðherranum,“ segir Stefán.
Hótar Bretum og Bandaríkjamönnum
Hraun kemur úr þremur gígum: Virknin stöðug
Yfir 300 stæði fóru undir hraun
Viðræður ekkert þokast frá því á þriðjudag
Drónamyndskeið frá hápunkti gossins í nótt
Litlar líkur á að hraunið nái til mannvirkja