Svandís Svavarsdóttir matvælaráðherra segir í viðbragði sínu við áliti umboðsmanns Alþingis að hún sem ábyrgur ráðherra hafi ekki átt neinna annarra kosta völ en að banna hvalveiðar tímabundið vegna álits fagráðs um velferð dýra í sumar.

Umboðsmaður Alþingis hefur nú skilað inn áliti sínu sem segir að ákvörðun hennar hafi ekki sam­ræmst kröf­um um meðal­hóf og hafi ekki átt sér nægi­lega skýra stoð í lög­um.

Í facebook-færslu Svandísar kveðst hún taka niðurstöðuna alvarlega og þó að umboðsmaður beini ekki neinum sérstökum tilmælum til hennar þá muni hún beita sér fyrir lagabreytingum. 

„Þá hyggst ég beita mér fyrir breytingum þannig að þessi úreltu lög séu færð til nútímans.“

Frétt af mbl.is

Hvalveiðibann átti ekki skýra stoð í lögum

Segir tímaskekkju leiða til ályktunar Umboðsmanns

Svandís tók ákvörðun um að stöðva hvalveiðar tímabundið í sumar. Hval­ur hf. mót­mætli harðlega ákvörðun ráðherra sem og Verka­lýðsfé­lag Akra­ness, en fyr­ir­tækið sagðist ætla að leita rétt­ar síns og sendi m.a. er­indi til umboðsmanns Alþing­is.

„Ekki var annað hægt fyrir ábyrgan ráðherra en að bregðast við á ögurstundu. Þann 19. júní síðastliðinn lá fyrir álit fagráðs um velferð dýra þar sem fram kom sú afdráttarlausa niðurstaða að veiðiaðferðin sem beitt var við veiðar á langreyðum væri ekki í samræmi við lög um dýravelferð,“ segir Svandís meðal annars.

„Því var mitt mat og ráðuneytisins á þeim tíma að ég hefði ekki annan kost, sem ráðherra sem ber ábyrgð á velferð dýra, en að bregðast við strax og fresta upphafi veiðitímabilsins, þar til skoðað yrði hvort hægt væri að gera úrbætur á veiðiaðferðum. Velferð dýranna var í öndvegi í minni ákvarðanatöku, að vinna að því markmiði að þessi dýr upplifðu ekki óbærilegan dauðdaga við veiðar.“

Hún segir að öllum sé ljóst að almenningur hafi kallað eftir skýrum ramma um velferð dýr og að það sýni þúsundir tilkynninga sem Matvælastofnun berist ár hvert um slæma meðferð dýra

„Það kemur skýrt fram í áliti umboðsmanns að hvalveiðilögin frá 1949 eru byggð á markmiðum um nýtingu hvalveiðistofnsins, og að þar sé ekki að finna skýr ákvæði um velferð dýra. Það er sú tímaskekkja sem leiðir til þess að umboðsmaður ályktar að ekki sé fyrir hendi nægilega skýr lagastoð fyrir reglugerð þeirri sem ég setti síðastliðið sumar.

Tengdar fréttir

Hvalveiðar

Skora á forsetann að stöðva áform forsætisráðherra

• Umboðsmaður ítrekar fyrirspurn
• Hvalur hf. sækir um leyfi til hvalveiða
• Tímabært að rannsaka afrán hvala
• „Ekki gott fyrir stuðningsfólk fyrir hvalveiðum“

» Fleiri tengdar fréttir

• 2 blogg um fréttina

Bloggað um fréttina

• Jóhann Elíasson: HROKINN, SJÁLFUMGLEÐIN OG VIRÐINGARLEYSIÐ FYRIR ÖÐRU EN EIGIN SKOÐUNUM EIGA …
• Jón Magnússon: Betra að veifa röngu tré en öngvu