Vilhjálmur Árnason, varaþingflokksformaður og ritari Sjálfstæðisflokksins, segir að þingflokkur Sjálfstæðisflokksins muni fara yfir og ræða niðurstöðu umboðsmanns Alþingis.

Eins og greint var frá fyrr í dag er það álit umboðsmanns Alþing­is að út­gáfa reglu­gerðar Svandís­ar Svavars­dótt­ur, sem bannaði tíma­bundið hval­veiðar í sumar, hafi ekki sam­ræmst kröf­um um meðal­hóf og hafi ekki átt sér nægi­lega skýra stoð í lög­um.

„Við sáum aldrei neina aðra mögulega niðurstöðu í þessu máli en þetta,“ segir Vilhjálmur í samtali við mbl.is.

Frétt af mbl.is

Hvalveiðibann átti ekki skýra stoð í lögum

Ólíðandi að atvinnustarfsemi sæti svona ákvörðunum

Vilhjálmur segir að þingflokkurinn muni ræða málið í síðasta lagi á næsta þingflokksfundi en hann kveðst ekki vita að svo stöddu hvort að boðað verði til aukafundar til að ræða þetta.

„Að sjálfsögðu munum við fara betur yfir álitið og sjá nákvæmlega hvernig er komist að þessari niðurstöðu og hversu alvarlegt brotið gegn þessum grundvallarreglum íslensks réttarríkis þetta er - sjá hverjar mögulegar afleiðingar af slíku ættu að vera, eða ábyrgð,“ segir hann og bætir við:

„Við getum ekki liðið það að atvinnulífið eða önnur starfsemi, lögleg í landinu, þurfi að sæta svona ákvörðunum.“

Hann segir að atvinnulífið verði að geta treyst því að fá að starfa í friði og að stjórnsýslan fari að lögum.

Frétt af mbl.is

Kveðst ekki hafa átt annan kost

Tengdar fréttir

Hvalveiðar

Mál Black Cube ekki á borði ríkissaksóknara

• Fjögur fyrirtæki sótt um leyfi til hvalveiða
• Fátt um svör vegna Black Cube
• „Er í mínum huga engin frétt“
• Ríkislögreglustjóri kannar málsatvik

» Fleiri tengdar fréttir

• Blogga um frétt