Enginn gullinrafi var framleiddur hér á landi á síðasta ári þrátt fyrir háleit áform þess efnis. Árið á undan var fyrsta sinn sem tókst að framleiða gullinrafa í eldi hér á landi og skilaði eldi Stolt Sea Fram tveimur tonnum af fiski í sláturstærð. Allur fiskur drapst hins vegar þegar afhendingu heitavatns stöðvaðist vegna viðhalds LAndsnets í tengvirki við HS Orku undir lok þess árs.

„Gullinrafinn, sem Stolt Sea Farm flutti inn í fyrsta sinn sem smáseiði í júlí 2021, kom í fyrsta sinn inn í slátrun 2022. Allt leit nokkuð vel út með þessa eldistilraun, en því miður varð endasleppt með eldið eftir að Landsnet urðu að komast í vinnu við tengivirkið sem er við HS Orku og fór þar með allur hiti af eldisstöðinni og gullinrafinn drapst í kjölfarið,“ segir Gísli Jónsson, sérgreinadýralæknir fiskisjúkdóma hjá Matvælastofnun.

„Stolt Sea Farm vissi auðvitað af þessari vinnu, en það bjóst enginn við því að fiskurinn væri svona viðkvæmur fyrir því að hitinn færi niður fyrir 10 til 12 gráður. Gullinrafinn er hraðvaxta hlýsjávartegund (þarf 21 til 23 gráður) og er m.a. mjög verðmætur sem hráefni í sushi. Enn er óvíst með framhaldið, en enginn nýr innflutningur smáseiða hefur átt sér stað síðan þetta kom upp á,“ útskýrir Gísli.

Upphaflega var stefnt að því að koma framleiðslu á gullinrafa í 30 tonn á ári.

Frétt af mbl.is

Gullinrafi í eldi á Reykjanesi

Uppfært klukkan 15:40: Gísli Jónsson hefur leiðrétt frásögn sína og mátti rekja dauða fiskanna til vinnu Landsnets en ekki HS Orku eins og upphaflega var sagt frá í fréttinni. Fréttin hefur verið uppfærð með tilliti til þessara nýju upplýsinga.

Tengdar fréttir

Fiskeldi

Hafnar ásökunum forstjóra MAST

• Forstjóri og tveir starfsmenn leggja fram kæru
• Vestfirðirnir hafa fengið vind í seglin
• „Enginn flokkur tekið málið í fangið“
• Strokulaxar setja mark sitt á laxveiðiár

» Fleiri tengdar fréttir

• Blogga um frétt