Leggja til engar loðnuveiðar
Setja bókamerki
Lítð mældist af loðnu í vetrarleiðangri Hafrannsóknastofnunar og er því ekki tilefni til að breyta fyrri ráðgjöf stofnunarinnar um að engar loðnuveiðar verði stundaðar þessa vertíð. Talið er að miklar líkur séu á að loðna sé enn undir hafísnum norðvestur af Íslandi og er því gert ráð fyrir mælingum á ný í febrúar.
Ráðgjöf Hafrannsóknastofnunar byggir á mælingum sem gerðar voru af rannsóknarskipunum Bjarna Sæmundssyni og Árna Friðrikssyni ásamt loðnuveiðiskipunum Polar Ammassak og Ásgrími Halldórssyni á tímabilinu 16. til 23. janúar.
„Út af Austfjörðum varð ekki vart við loðnu og einnig mældist lítið magn á norðaustur hluta svæðisins, en þetta eru þau svæði þar sem fremsta hluta loðnugöngunnar er jafnan að finna á þessum tíma. Mesti þéttleiki fullorðinnar loðnu var í námunda við hafísröndina á svæðinu út af Horni og austur að Kolbeinseyjarhrygg. Vestan við það svæði var aðallega að finna ókynþroska loðnu. Miðað við þessa dreifingu má ætla að ís hafi komið í veg fyrir að náðst hafi að dekka allt útbreiðslusvæði loðnunnar. Það magn sem mældist nú af fullorðinni loðnu er aðeins um fjórðungur þess sem mældist í haust,“ segir í tilkynningu á vef Hafrannsóknastofnunar.
Ný mæling í febrúar
Kveðst stofnunin skipuleggja mælingu á ný í febrúar og eru bundnar vonir við að loðnan verði gengin undan ísnum eða ísinn hafi hopað. Nákvæmar dagsetningar um framhaldið hafa ekki verið ákveðnar.
Upphafsráðgjöf fyrir vertíðina byggði á haustmælingu ársins 2022 og gaf hún ekki tilefni til að leggja til að loðnuveiðar yrðu stundaðar á vertíðinni 2023/2024. Sama niðurstaða fékkst í haustmælingu 2023 og í viðbótarleiðangri í desember síðastliðnum.
Fréttin hefur verið uppfærð.
Náðun stuðningsmanna Trumps vekur ólík viðbrögð
Viljum hvorki vera Danir né Bandaríkjamenn
„Sársauki okkar er nístandi“
Ákærður fyrir tilraun til manndráps
Ekki tekist að vernda börn þrátt fyrir vitneskju
„Ég hef verið kjaftaskur mikill“
Viðurkennir ábyrgð og segir af sér
Ákvörðun Trumps veldur titringi