Fleiri laxeldisfélög sökuð um ólöglegt verðsamráð

Sex norsk­um lax­eld­is­fé­lög­um hef­ur verið til­kynnt að þau liggja und­ir grun um að hafa stundað ólög­legt verðsam­ráð við sölu á fersk­um laxi á ár­un­um 2011 og 2019. Fé­lög­in fram­leiða um 80% af öll­um laxi í heimi og eiga yfir höfði sér sekt sem nem­ur allt að 10% af veltu á heimsvísu. Tvö fé­lög eiga meiri­hluta hluta­fjár í fisk­eld­is­fyr­ir­tækj­um hér á landi.

Fé­lög­in Cermaq, Grieg Sea­food, Brem­nes, Lerøy, Mowi og SalM­ar eru tal­in hafa skipst á viðskipta­upp­lýs­ing­um er lúta að sölu­verði, birgðastöðu, sölu­magni, fram­leiðslu­magni og fram­leiðslu­getu, svo og öðrum verðákvörðunarþátt­um, að því er fram kem­ur í til­kynn­ingu sem fram­kvæmda­stjórn Evr­ópu­sam­bands­ins send­ir frá sér í dag.

Þar seg­ir að frum­at­hug­un fram­kvæmda­stjórn­ar­inn­ar hafi leitt í ljós brot á sam­keppn­is­lög­um á um­ræddu tíma­bili með því að „eiga sam­ráð um að raska sam­keppni á markaði fyr­ir staðsölu á norsk­um eld­islaxi inn­an ESB.“

Sér­stak­lega er vak­in at­hygli á því að um er að ræða til­fallandi sölu til kaup­enda í Evr­ópu­sam­band­inu en ekki sölu á grund­velli lang­tíma­samn­inga. Jafn­framt snýr um­rætt mál ekki að sölu á frosn­um laxa­af­urðum, held­ur ein­ung­is sölu á fersk­um laxi.

Fé­lög­in fram­leiða 80% af laxi á heimsvísu. Morg­un­blaðið/​Helgi Bjarna­son

Fengu ábend­ingu 2019

Grein­ir fram­kvæmda­stjórn­in frá því að at­hug­un á starf­semi fé­lag­anna hófst eft­ir að aðilar sem eiga aðild að markaði með lax vöktu at­hygli henn­ar á áhyggj­um þeirra tengt staðsölu á atlants­hafslaxi til Evr­ópu­sam­bands­ins og voru sér­stak­ar skoðanir fram­kvæmd­ar í fe­brú­ar 2019.

Nú þegar fé­lög­un­um hef­ur verið til­kynnt um at­huga­semd­ir fram­kvæmda­stjórn­ar­inn­ar við at­hæfi þeirra gefst þeim tæki­færi til að skoða þau gögn sem lögð eru til grund­vall­ar niður­stöðu henn­ar. Gefst þeim þá tæki­færi til að svara skrif­lega sem og að óska eft­ir munn­leg­um mál­flutn­ingi til að koma sjón­ar­miðum sín­um á fram­færi við full­trúa fram­kvæmda­stjórn­ar­inn­ar og inn­lendra sam­keppn­is­yf­ir­valda.

Gíf­ur­leg sekt

„Kom­ist fram­kvæmda­stjórn­in að þeirri niður­stöðu, eft­ir að aðilar hafa nýtt rétt sinn til að verja sig, að næg­ar sann­an­ir séu fyr­ir broti get­ur hún ákv­arðað að stöðva um­rætt hátt­erni og sekt­ir allt að 10% af ár­legri veltu fyr­ir­tæk­is á heimsvísu,“ seg­ir í til­kynn­ingu fram­kvæmda­stjórn­ar­inn­ar.

Sem fyrr seg­ir fam­leiða þessi sex fé­lög um 80% af öll­um laxi í heim­in­um, en heims­fram­leiðslan náði um það bil 2,8 millj­ón­ir tonna á síðasta ári. Sekt sem nem­ur 10% af veltu fé­lag­anna er því ef til vill gríðarlega há og er málið talið sögu­legt.

Tvö fé­lag­anna eiga meiri­hluta hluta­fjár í sitt hvoru eld­is­fyr­ir­tæk­inu hér á landi og eru bæði á Vest­fjörðum. Það er ann­ars veg­ar Mowi sem fer með 51,28% hlut í Arctic Fish og hins veg­ar SalM­ar sem fer með 52,48% í Arn­ar­laxi.

• Blogga um frétt