Hafnaði nýrri rafloststækni við hvalveiðar
Setja bókamerki
Tengdar fréttir
Hvalveiðar
Ný og mjög lofandi tækni við hvalveiðar hefur verið í þróun hjá Hval hf. Byggir hún á raflosti og er talin virka það vel að hún geti jafnvel leyst sprengiskutulinn af hólmi.
Jón Gunnarsson fullyrðir að Hvalur hf hafi verið búinn að fjárfesta hundruð milljóna í verkefninu en matvælaráðherra hafi hafnað því að gera tilraunir með þessa aðferð. Jón veltir því fyrir sér hvort þar hafi ráðið för ótti um of góða útkomu. Hann segir rafloststæknina rúmast vel innan þess regluverks sem gildir um hvalveiðar.
Leyfi Hvals hf til veiða á langreyði rann út um áramót. Það var veitt til fimm ára og er nú útrunnið. Umsókn um endurnýjað leyfi mun að óbreyttu lenda inni á borði hjá formanni VG, Katrínu Jakobsdóttur, þar sem Svandís Svavarsdóttir matvælaráðherra er í veikindaleyfi.
Einungis nokkrir mánuðir í næstu vertíð
Í Dagmálum Morgunblaðsins segir Jón, sem þekkir mjög vel til á þessu sviði, að forsagan sýni að þetta geti orðið ágreiningsmál í ríkisstjórnarsamstarfinu. Þó svo að „engar forsendur séu til annars en að leyfa veiðar áfram“, að hans sögn.
Einungis nokkrir mánuðir eru í næstu hvalveiðivertíð og þörf er á að ráða allt að 150 starfsmenn í tengslum við veiðarnar, standsetja verksmiðju og huga að skipum.
Jón Gunnarsson minnir á að atvinnufrelsi sé tryggt og varið í stjórnarskránni. Hugmyndir þingmanna um að Alþingi banni hvalveiðar standist ekki skoðun og kunni að vekja upp stóra skaðabótakröfu á hendur ríkissjóði.
Í broti úr þættinum hér að ofan ræðir Jón þessa stöðu. Þátturinn í heild sinni er aðgengilegur áskrifendum Morgunblaðsins.
Tengdar fréttir
Hvalveiðar
Hulda saksóknari: „Tökum þetta ekki til greina“
Pútín reynir allt til að forðast aðra herkvaðningu
Varnargarðar hækkaðir um 3 til 4 metra
Reiðubúin að aflýsa verkföllum í fjórum leikskólum
Dregið úr gosóróa
Vegirnir voru eins og borðstofuborð