Mat Hafrannsóknastofnunar á meðafla fugla og sjávarspendýra í grásleppuveiðum dregst verulega saman. Sérstaklega vekur athygli að uppreiknað meðaflamat áranna 2020-2023 gerir ráð fyrir að fjöldi sjávarspendýra sem árlega drepast vegna grásleppuveiða eru 768 sem er 76% færri en tímabilið 2014-2018 þegar talið var að fjöldinn var 3.223.

Telja vísindamenn um 501 landseli farast vegna veiðanna og er það 63% minna en í meðaflamati tímabilsins 2014-2018.

Í skýrslu Hafrannsóknastofnunar um meðafla fugla og sjávarspendýra í grásleppuveiðum árin 2020-2023 má lesa að erfitt sé að fullyrða um ástæður minnkunar á meðafla á land- og útsel milli tímabila og er meðal annars bent á ýmsar aðgerðir til að minnka meðafla eftir 2020. Helstu aðgerðir snérust að svæðalokunum og auknu eftirliti, bæði með fjarstýrðum loftförum og með eftirlitsmönnum um borð í bátum, og gætu þær aðgerðir hafa minnkað meðaflann.

Þá minnkaði einnig meðafli fugla sem skýrist að mestu leyti að minni sókn.

Nánar verður fjallað um niðurstöður tækniskýrslunnar í blaði 200 mílna sem fylgir Morgunblaðinu á Laugardag.

Tengdar fréttir

Grásleppuveiðar

Áhrif grásleppufrumvarpsins komi í ljós

• Skemmdarverk unnin
• „Grásleppukarlinn heyrir nú sögunni til“
• Lilja Rafney yfirgefur VG vegna svika flokksins
• Grásleppa kvótasett í frumvarpi

» Fleiri tengdar fréttir

• Blogga um frétt