Slysavarnafélagið Landsbjörg og íslenska fyrirtækið Hefring Marine hafa gert með sér samkomulag um að koma fyrir sérstökum tæknibúnaði Hefring í öll nýju skip Slysavarnafélagsins Landsbjargar, að því er fram kemur í fréttatilkynningu.

Þar segir að gerð hefur verið tilraun með búnaðinn í björgunarskipinu Þór í Vestmannaeyjum sem hefur reynst afar vel.

Um er að ræða tæknilausn sem byggir á samspili gervigreindar og skynjurum, sem gerir skipstjóra betur kleift að meta og taka ákvarðanir um hraða skips, siglingaleið og siglingalag. Afraksturinn er ekki síst eldsneytissparnaður og þar með minna kolefnisspor, en ekki síður eykur hann öryggi áhafnar.

Frétt af mbl.is

Nýta snjallsiglingakerfi til lækkunar iðgjalda

Þá er nemum komið fyrir á skrokk skips, neðan á stóla áhafnar og þeir tengdir við siglingatölvu skipanna. Þannig er fylgst stöðugt með sjólagi, ölduhæð og höggum sem skipsskrokkurinn verður fyrir við siglinguna og gervigreindin les stöðugt það sem nemarnir skynja og gefur skipstjóra ráðleggingar um stjórn skipsins til að minnka álag á skrokk skips og draga þannig úr því álagi sem áhöfn verður fyrir þegar siglt er við erfiðar aðstæður.

Búnaðurinn frá Hefring Marine mun með þessum hætti verja skip og áhöfn fyrir óvæntum atburðum og þar með draga verulega úr líkum á óhöppum eða slysum.

Í öll nýju skipin

Sá búnaður sem er í björgunarskipinu Þór verður nú uppfærður og samskonar búnaði komið fyrir í hin nýju björgunarskip félagsins, Sigurvin á Siglufirði og Jóhannes Briem í Reykjavík. Fjórða skip félagsins sem nú er í smíðum í Finnlandi fær einnig þennan búnað.

Landsbjörg stenfir að því að endurnýja öll þrettán björgunarskip félagsins sem staðsett eru hringinn í kringum landið. Þessi búnaður verður samkvæmt samningnum settur í hvert eitt þeirra skipa sem endurnýjuð verða í þessu risastóra verkefni.

Í desember var sagt frá því að endurnýjun björgunarskipaflotans er eitt stærsta fjárfestingarverkefni Landsbjargar frá upphafi og að enn eigi eftir að fjármagna stóran hluta af smíði næstu níu björgunarskipa.

Frétt af mbl.is

Endurnýjun björgunarskipaflotans ekki örugg

Tengdar fréttir

Öryggi sjófarenda

Líklega hjálmi að þakka að ekki fór verr

• Skipum fækkar ef fjármagn fæst ekki
• Dýrt að reka eina vél
• Áhyggjur meðal sjómanna af Gæslunni
• Stutt við kaup á nýju björgunarskipi

» Fleiri tengdar fréttir

• Blogga um frétt