Mjög lítið hefur mælst af loðnu í febrúarmælingu Hafrannsóknastofnunar. Mælingunni er ekki lokið en önnur yfirferð á árinu er langt komin með þátttöku þriggja uppsjávarveiðiskipa.

Enn á eftir að fara yfir Vestfjarðamið en skipin Heimaey og Polar Ammassak þurftu að hverfa þaðan um helgina vegna veðurs.

Er áætlað að yfirferðinni ljúki á miðvikudaginn.

„Gert er ráð fyrir frekari vöktun og yfirferð að þessum mælingum loknum en fyrirkomulag þeirra skýrist seinna í vikunni. Svæðin sem þá verður líklegast lögð áhersla á eru norðvestur af landinu og undan Vestfjörðum ásamt Suðausturmiðum,“ segir í tilkynningu stofnunarinnar.

Frétt af mbl.is

Halda til loðnumælinga en hafísinn mikill

Tengdar fréttir

Loðnuveiðar

Loðnumæling tafðist er Árni leitaði í var

• Fyrstu skipin til loðnumælinga
• „Við urðum örlítið varir við loðnu“
• Töf á mælingu vegna viðgerðar
• Lítið sást til loðnunnar

» Fleiri tengdar fréttir

• Blogga um frétt