Ægir í Grindavík tekur 22 manns af launaskrá
Setja bókamerki
Fyrirtækið Ægir Sjávarfang í Grindavík hefur tekið 22 starfsmenn sína af launaskrá. Einhverjir starfsmenn eru nú komnir á launaúrræði á vegum ríkisins.
Þetta staðfestir Guðmundur P. Davíðsson, stjórnarformaður Ægis sjávarfangs, í samtali við mbl.is.
Ekki er búið að rifta starfssamningi við starfsmennina og því er hægt að fá þá til baka ef fyrirtækinu verður leyft að stunda starfsemi í Grindavík, að sögn Guðmundar.
Stjórnleysi í aðgangsstýringu
Guðmundur segir að hingað til hafi ríkt ákveðið stjórnleysi varðandi aðgangsstýringu fyrirtækja í bæinn.
„Það hefur verið lítið frumkvæði af hálfu stjórnvalda að hafa samband við þá sem eiga hagsmuna að gæta í Grindavík, eða láta þá vita yfir höfuð hvað er að gerast,“ segir Guðmundur.
Hann kallar eftir skýrum svörum frá stjórnvöldum og bæjarfélaginu um hvað skuli gera næst.
„Ætla menn að hafa áfram fyrirtækjarekstur í Grindavík eða ekki?“ spyr Guðmundur.
Fyrirtækin velta yfir 80 milljörðum
Í samtali við blaðamann rekur hann sögu eldvirkninnar að undanförnu og segir að ef menn ætli að lifa við þetta ástand þá þurfi að ákveða hvernig leikreglurnar eigi að vera fyrir fyrirtækin.
„Það er verið að tala um að það séu 144 fyrirtæki skráð í Grindavík, með fimm milljóna króna veltu eða meira,“ segir Guðmundur.
„Þau velta yfir 80 milljörðum í Grindavík og það þarf að fara að búa til umgjörð eða ákveða hvað á að gera.“
Alvarleg netárás á Wise
Þetta eru ráðherrar ríkisstjórnarinnar
Segir að verið sé að svindla á Bandaríkjunum
Það er ekkert partí án spurninga!
Skattamál verði líklega „þeirra mesta klemma“
„Aðstæður í stjórnmálum geta breyst á einni nóttu“
„Hagræðingarmál eru í fyrsta sæti“
Samfylking og Viðreisn gáfu loforð