Hafrannsóknarstofnun telur mögulegt að töluvert magn af loðnu hafi fundist suðaustur af landinu í gær.

„Það er aðeins betra hljóðið í okkur heldur en í gærmorgun,“ segir Guðmundur J. Óskarsson, sviðsstjóri hjá Hafrannsóknarstofnun, í samtali við mbl.is en fram kom í tilkynningu frá Hafrannsóknarstofnun í gær að lítið hafi mælst af loðnu í febrúarmælingum stofnunarinnar.

Frétt af mbl.is

Mjög lítið mælst af loðnu

Flestir þeirrar skoðunar að um loðnu sé að ræða

Fengin voru uppsjávarskip sem eru á kolmunnaveiðum til að kanna svæðið og seinni partinn í gær rákust þau á torfurnar.

„Það er einhver ganga þarna á ferðinni við Rósagarðinn suðaustur af landinu. Skip á okkar vegum fundu torfur. Flestir eru þeirrar skoðunar að um loðnu sé að ræða miðað við dreifinguna en við höfum ekkert í hendi og höfum ekki fengið nein sýni ennþá. En þetta er óvænt“ segir Guðmundur.

Guðmundur segir að rannsóknarskipið Bjarni Sæmundsson, sem er statt við sjómælingar fyrir austan, muni halda á staðinn þar sem torfurnar fundust suðvestan við landið. Hann segir að skipið ætti að vera komið á staðinn í kvöld og hefji þá strax mælingar og þá segir hann að skipið Polar Ammassak sé einnig á leiðinni  til mælinga á staðinn.

Tengdar fréttir

Loðnuveiðar

Loðnubrestur veldur ugg á Hornafirði

• Loðnubrestur algengur í Barentshafi
• Tímabært að rannsaka afrán hvala
• Loðnubrestur dregur verulega úr hagvexti
• „Enginn talar um hið augljósa“

» Fleiri tengdar fréttir

• 1 blogg um fréttina

Bloggað um fréttina

• Rúnar Már Bragason: Hafró fékk aðra til að leita að loðnu