Kjarasamningur sjómanna, sem var undirritaður 6. febrúar, hefur verið samþykktur. 62,84% prósent félagsmanna greiddu atkvæði með samningnum en 37,17% voru á móti. Kjörsóknin var 53,6%.

Þetta kemur fram í tilkynningu frá Sjómannasambandi Íslands en þar segir að það sé alltaf ánægjulegt þegar kjarasamningur er samþykktur og sérstaklega núna eftir allt það skítkast og óhróður sem beindist að forystumönnum Sjómannasambandsins.

Bættum og lagfærðum það sem sjómenn gagnrýndu mest

„Núna eru sjómenn innan SSÍ komnir með alvöru kjarasamning eftir erfiða fæðingu. Sá samningur sem felldur var fyrir ári síðan er grunnurinn að þessum nýja samningi. Við bættum við og lagfærðum það sem sjómenn gagnrýndu hvað mest í þeim samningi. Ég er stoltur af mínum félagsmönnum innan Sjómannasambandsins að samþykkja samninginn,“ segir Valmundur Valmundarson, formaður Sjómannasambands Íslands.

„Loksins er gert upp úr 100% aflaverðmæti. Loksins geta sjómenn sagt að þeirra hlutur í olíukostnaði sé í burtu. Nú geta sjómenn sótt hækkun beint á skiptaprósentu ef þurfa þykir með grein 1.39.1. Loksins koma hækkanir á kauptryggingu og kaupliðum eins og gerist á almenna markaðnum. Loksins fá sjómenn desember uppbót árið 2028,“ segir ennfremur í tilkynningunni.

Tengdar fréttir

Kjaraviðræður

„Það er búið að þvarga hérna fram og til baka“

• „Ég veit hver aðkoma ráðuneytisins var“
• Nýtt að gestalistinn sé umræðuefni á Alþingi
• „Bara eins og í annarri stórgripaslátrun“
• Efling vísar kjaradeilu til ríkissáttasemjara

» Fleiri tengdar fréttir

• Blogga um frétt