Heimaey VE lagði frá bryggju í morgun og mun skipið vera við leit og mælingu á loðnu norðvestan við land næstu daga. Eru þá skipin sem nú leita loðnu orðin þrjú, en tvö skip héldu til veiða í gær.

Ekki er vitað hve langan tíma Heimaey mun þurfa til að ljúka mælingum þar sem veðurspáin er óhagstæð, að sögn Guðmundar J. Óskarssonar sviðsstjóra uppsjávarsviðs Hafrannsóknastofnunar.

Ásgrímur Halldórsson SF og grænlenska skipið Polar Ammassak héldu í leit að loðnu suðaustur af landinu í gær og hófts þannig fjórða tilraun til að finna loðnu frá haustmælingu á síðasta ári.

Guðmundur áætlar að eiðangur Ásgríms Halldórssonar og Polar Ammassak muni taka um tvo til þrjá daga.

Frétt af mbl.is

Tvö skip leita nú loðnu suðaustur af landinu

Tengdar fréttir

Loðnuveiðar

Lítið sást til loðnunnar

• Ekkert hefur sést til loðnunnar
• Kanna útbreiðslu loðnunnar í desember
• Mun minni atvinnutekjur vegna loðnubrests
• Loðnubrestur veldur ugg á Hornafirði

» Fleiri tengdar fréttir

• Blogga um frétt