Stofnendur Samherja eignast Optimar

Fjár­fest­inga­fé­lagið Kald­bak­ur ehf. hef­ur gengið frá kaup­um á öllu hluta­fé í há­tæknifyr­ir­tæk­inu Optim­ar In­ternati­onal AS (Optim­ar) af þýska eign­ar­halds­fé­lag­inu Franz Haniel & Cie. GmbH (Haniel), að því er fram kem­ur í frétta­til­kynn­ingu.

Ekki er upp­lýst um kaup­verð.

Optim­ar er leiðandi á heimsvísu í þróun og fram­leiðslu á sjálf­virk­um fisk­vinnslu­kerf­um til notk­un­ar um borð í fiski­skip­um, á landi og í fisk­eldi, en Kald­bak­ur er fjár­fest­inga­fé­lag í eigu tveggja stofn­enda Sam­herja, Þor­steins Más Bald­vins­son­ar og Kristjáns Vil­helms­son­ar, og fjöl­skyld­um þeirra.

Optim­ar fram­leiðir há­tækni­lausn­ir fyr­ir fisk­vinnsl­ur á landi og um borð í skip. Ljós­mynd/​Optim­ar

Optim­ar hef­ur höfuðstöðvar í Álasundi í Nor­egi og hef­ur starfs­stöðvar auk Nor­egs, á Spáni, í Rúm­en­íu og Banda­ríkj­un­um, en fyr­ir­tækið þjón­ust­ar viðskipta­vini í fleiri en 30 ríkj­um. Fram kem­ur að ekki eru fyr­ir­hugaðar breyt­ing­ar á rekstri Optim­ar.

„Optim­ar er traust­ur þjón­ustuaðili við sjáv­ar­út­veg­inn á heimsvísu. Fyr­ir­tækið býr yfir mik­illi reynslu, þekk­ingu og viðskipta­sam­bönd­um. Við erum spennt fyr­ir þeim tæki­fær­um sem þessi fjár­fest­ing mun skapa, bæði fyr­ir Optim­ar og fyr­ir önn­ur fyr­ir­tæki í okk­ar eigu,“ seg­ir Ei­rík­ur S. Jó­hanns­son, fram­kvæmda­stjóri Kald­baks, í til­kynn­ing­unni.

Ei­rík­ur S. Jó­hanns­son var um nokk­urt skeið fram­kvæmda­stjóri Slipps­ins AK­ur­eyri, en er nú fram­kvæmda­stjóri Kald­baks ehf. Ljós­mynd/​Slipp­ur­inn

Aðskilið fjár­fest­inga­fé­lag

Kald­bak­ur ehf. var að fullu aðskilið frá Sam­herja árið 2022 og tók þá fékagið yfir eign­ir sem Sam­herji hafði eign­ast í gegn­um árin en voru ekki hluti af kjarn­a­starf­semi fyr­ir­tæk­is­ins. Meðal eigna Kald­baks eru hluta­bréf í REM Offs­hore AS, Hög­um hf., Slippn­um Ak­ur­eyri ehf., Jarðbor­un­um hf., Sjóvá hf. og Berg­frost P/​F.

Meg­in­mark­mið Kald­baks er sagt í til­kynn­ing­unni vera að „skapa lang­tíma­verðmæti með virku eign­ar­haldi. Kald­bak­ur stát­ar af margþætt­um eigna­grunni í at­vinnu­grein­um sem spanna sjáv­ar­út­veg, orku, mat­væla­vinnslu og smá­söluiðnað sem end­ur­spegl­ar stefnu um fjöl­breytni.“

Frétt af mbl.is

Full­ur aðskilnaður Kald­baks við Sam­herja

• Blogga um frétt