Grindavík er ein af stærstu verstöðvum landsins

Enginn vafi er um að Grindavík hefur skipað mikilvægan sess í útgerðarsögu landsins og má ætla að sjósókn hafi verið stunduð í Grindavik allt frá landnámi. Bara á síðustu tveimur áratugum (2003-2023) var landað meira en milljón tonnum af sjávarfangi í bænum, mest þorski en einnig töluverðu af ufsa og ýsu. Hefur jafnvel 130 þúsund tonnum af loðnu verið landað í Grindavík.

Grindavík hefur undanfarin ár verið sú höfn þar sem landað hefur verið mestum þorski, en það er einmitt verðmætasti nytjastofn þjóðarinnar. Var árið 2021 landað 27 þúsund tonnum af þorski í Grindavík og rúmlega 21 þúsund tonn 2022.

Tölfræðin um landaðan afla á tímabilinu 2003 til 2023 hér fyrir neðan en fjallað var um sögu útgerðar í Grindavík allt frá landnámi í síðasta blaði 200 mílna.