Fólksfjölgun megi rekja til sjókvíaeldis
Setja bókamerki
„Verulega munar um eldið í atvinnulífi á Vestfjörðum. Þar nam framleiðsla í fiskeldi um 8% af heildarframleiðslu árið 2019. Mestu máli skiptir það á suðurfjörðunum. Þar stóð byggð höllum fæti um tíma, en nú er fólki tekið að fjölga aftur,“ segir í nýlegri skýrslu Hagfræðistofnunar Háskóla Íslands um áhrif laxeldis í opnum sjókvíum á byggð og efnahagslíf.
Á tímabilinu 2012 til 2019 varð 25% hagvöxtur á Vestfjörðum og má gera ráð fyrir að um fimmtungur hans hafi komið til vegna sjókvíaeldis, að því er segir í umfjöllun Morgunblaðsins.
Benda skýrsluhöfundar á að Vinnumálastofnun telur að 817 manns hafi að jafnaði starfað í sveitarfélögunum tveimur á sunnanverðum Vestfjörðum að jafnaði. „Ætla má að 15-20% séu í sjókvíaeldi. Við bætast störf sem tengjast starfseminni, beint og óbeint. Eldið er meginskýring þess að frá upphafi árs 2014 og fram á haust 2023 fjölgaði íbúum í Vesturbyggð og Tálknafjarðarhreppi um 200, eða 16%. Fasteignaverð gefur hugmynd um stöðu byggðanna. Frá 2014 til tímabilsins frá ársbyrjun 2022 og fram í október 2023 nær þrefaldaðist verð sérbýlis á Patreksfirði, Tálknafirði og Bíldudal. Húsnæði sem seldist á árunum 2022 og 2023.“
Nánar er fjallað um máliðí Morgunblaðinu í dag.
Ofmeta sparnað í stjórnarráðinu
Skoða ráðstafanir vegna mikillar kuldaspár
/frimg/1/53/82/1538213.jpg)
„Hálendið eiga menn að skoða“
Æskuvinir sem fóru í víninnflutning frá Georgíu
Feðgar saman í Grænlandstúr á jólum
Fuglager í Grindavík: „Þetta var bara pínu magnað“