Skipstjóri neitaði áhöfn um áfallahjálp
Setja bókamerki
Skipstjóri norska flutningaskipsins Wilsons Skaw neitaði áhöfn skipsins um áfallahjálp eftir að skipið strandaði í Húnaflóa í apríl í fyrra.
Þetta er meðal þess sem kemur fram í skýrslu Rannsóknarnefndar samgönguslysa um strandið.
Wilson Skaw strandaði við Ennishöfða á Húnaflóa 18. apríl á síðasta ári. Skipið var á leið frá Hvammstanga til Hólmavíkur.
/frimg/1/42/89/1428906.jpg)
Í samræmi við valdaskiptingu
Í skýrslu Rannsóknarnefndar samgönguslysa kemur fram að áhöfnin hafi óskað eftir áfallahjálp eftir að náðist að losa skipið. Skipstjóri skipsins hafi neitað bón áhafnarinnar.
Þetta hafi verið í samræmi við valdaskiptingu innan áhafnarinnar. Í viðtölum við skipverjana hafi komið fram að áhöfnin myndi ekki leggja í efa ákvarðanir skipstjórans.
Skipstjórinn treysti ekki heimamönnum
Skipstjórinn hafði 28 ára starfsreynslu en stýrimaður hafði verið stýrimaður í tvö ár. Tveimur dögum áður en skipið sigldi í strand lagði stýrimaðurinn til siglingarleið sem lá norðar en sú sem skipið fór á endanum.
Skipstjórinn tók ákvörðun um að sigla þá leið sem varð fyrir valinu þrátt fyrir uppástungu stýrimanns. Þessari ákvörðun skipstjóra var ekki mótmælt af áhöfninni.
Tekið er fram í skýrslunni að skipstjórinn hafi ekki treyst upplýsingum heimamanna um siglingaleiðina, heldur að vildi hann styðjast við rafræn kort sem hann hafði í höndunum.
Heimilar Úkraínu að nota langdrægar eldflaugar
Tíundi skólinn bætist við
Vill markvissari uppbyggingu
/frimg/1/52/93/1529389.jpg)
„Mér finnst þetta auðvitað ömurleg staða“
Ingibjörg skiptir um skoðun á ummælum Þórðar
Kosninga- eða jólagos?
„Mér var haldið sofandi í níu sólarhringa“
„Þetta er algerlega hans ákvörðun“