Veiðigjöld tóku breytingum
Setja bókamerki
Veiðigjöld fyrir árið 2024 tóku nokkrum breytingum frá fyrra ári og hækkaði gjald á fleiri tegundum um áramótin. Til að mynda hækkaði veiðigjald á þorsk um 39%, í 26,66 krónur á kíló. Þá hækkaði veiðigjald á ýsu um 12% og endaði í 22,28 krónum á meðan veiðigjald á ufsa hækkaði um heil 60% og nemur nú 12,14 krónum á kíló, að því er fram kemur í Morgunblaðinu.
Á sama tíma lækkaði veiðigjald á makríl um 49% og um 14% í tilfelli djúpkarfa. Mesta hlutfallslega lækkunin var þó fyrir rækju, gulllax og grálúðu en gjald á þessar tegundir var fellt niður.
„Í tilvikum grálúðu, gulllax og rækju er niðurstaða útreiknings reiknistofns neikvæð og því tillaga Skattsins um fjárhæð veiðigjalds þessara tegunda 0 krónur á kílógramm á veiðigjaldsárinu 2024,“ útskýrir matvælaráðuneytið í skriflegu svari við fyrirspurn blaðamanns um grundvöll veiðigjalds ársins 2024.
Nánar er fjallað um málið í Morgunblaðinu í dag.
Fór 1.628 km í þágu sjálfsvígsforvarna
Bregðast ókvæða við: Pútín ekki tjáð sig
Skrifaði fyrstu fréttina af hvarfi Geirfinns
Kennarar setja til hliðar kröfu um viðmiðunarhópa
Varð að gefa dálítið af sjálfum mér
Hversdagslífið getur verið yndislegt
„Mér var haldið sofandi í níu sólarhringa“
Niðurstöðunni fagnað: Ólög og óboðleg vinnubrögð