Eftir að meðalverð á grásleppu hrundi niður í aðeins rúmar 133 krónur á kíló á innlendum fiskmörkuðum í síðustu viku gerðu margir grásleppusjómenn hlé á veiðum. Síðan hefur verð tekið við sér á ný og fengust að meðaltali tæplega 372 krónur á kíló í gær. Það er um 179% verðhækkun frá því að verð var lægst 12. mars.

Ákveðið var í lok febrúar að flýta upphafsdag grásleppuveiða frá 20. mars til 1. mars. Fékkst í fyrstu þokkalegt verð en þegar magn fór að aukast mikið varð þrýstingur á verð. Náði magnið hámarki 11. mars þegar rúm 22 tonn af grásleppu voru seld á fiskmörkuðum landsins. Þann dag fengust 275 krónur á kíló.

Rúm ellefu tonn af grásleppu var seld á fiskmörkuðunum 12. mars þegar verð féll í 133 krónur. æI kjölfarið ákváðu margir að gera hlé á veiðum, en Fiskistofa tilkynnti 6. mars að handhöfum grásleppuleyfa væri heimilt að geyma veiðidaga sína til 20 mars þegar hefðbundið veiðitímabil hefst.

Frétt af mbl.is

Heimilt að gera hlé og geyma veiðidaga

Hefur grásleppumagn dregist verulega saman og var aðeins selt rúmt eitt tonn á fiskmörkuðum í gær þegar ágætisverð fékkst fyrir aflann.

Alls hafa verið seld rúm 92 tonn af grásleppu á fiskmökuðum frá því að veiðar hófust 1. mars.

Tengdar fréttir

Grásleppuveiðar

Sakar Þórarin Inga um brot á siðareglum

• Álag á starfsfólki vegna grásleppukvóta
• Þó nokkur munur á kvóta og fjölda báta
• Þrjár útgerðir umfram hámark í grásleppu
• Yfir 100 skip fá ekki grásleppukvóta

» Fleiri tengdar fréttir

• Blogga um frétt