800 tonn af lýsi í flutningaskipinu

800 tonn af kolmunnalýsi voru um borð í flutn­inga­skipinu Key Bora sem tók niðri í Fá­skrúðsfirði í gær. Flytja átti lýsið frá Neskaupstað í verksmiðju Lýsis hf. í Þorlákshöfn.

Katrín Pétursdóttir, forstjóri Lýs­is hf., staðfestir þetta í samtali við mbl.is.

Frétt af mbl.is

Lýsi fór í sjóinn í Fáskrúðsfirði

Kafarar könnuðu ástand skipsins

Bil­un varð í stýr­is­búnaði skips­ins sem náði þó að losa sig með eig­in vélarafli skömmu síðar og var í kjölfarið fylgt í höfn. 

Lýsi hafði farið í sjó­inn í Fá­skrúðsfirði fyrir óhappið en skipið tók niðri skömmu eftir lýsisútskipun hjá Loðnuvinnslunni. 

Kafarar könnuðu ástand skipsins í dag og virðast engar alvarlegar skemmdir vera á því. Skipið er nú á siglingu suðaustur af Íslandi með farm sinn.

Þurfa á lýsinu að halda

Beðið er eftir kolmunnalýsinu í vinnslu hjá Lýsi hf. að sögn Katrínar. Hún býst ekki við því að neinar skemmdir hafi orðið á því. 

„Kolmunnavertíðinni er svo gott sem lokið og þetta er svo gott sem það kolmunnalýsi sem við fáum. Við þurfum á þessu að halda í vinnslunni og í samningum sem við erum búin að gera,“ segir Katrín.

• Blogga um frétt