Hætta á að útgerðir fari að leggja bátum

Vetrarvertíðin hefur gengið vel og hefur tekist að landa rúmlega 57 þúsund tonnum af þorski frá áramótum til 21. mars. Á sama tíma hefur verið landað meira en sautján þúsund tonnum af ýsu, 2.103 tonn af steinbít, 7.551 tonn af karfa og 1.776 tonnum af löngu.

Fiskiskipaflotinn hefur landað tæplega 110 þúsund tonnum af þorski frá upphafi fiskveiðiársins 2023/2024 til 21. mars, en nýtt fiskveiðiár hefst 1. september ár hvert. Aðeins eru eftir veiðiheimildir fyrir 58 þúsund tonnum af þorski. Það þýðir að 35% af aflaheimildunum í tegundinni eru eftir þrátt fyrir að aðeins rétt rúmur helmingur af fiskveiðiárinu sé liðinn.

Frétt af mbl.is

Hafa lagt Fjölni GK

Samkvæmt aflastöðuyfirliti Fiskistofu sést að a.m.k. 20 aflamarksskip eru búin með aflaheimildir sínar í þorski eða eiga minna en 100 tonn eftir af ónýttum heimildum. Hið sama á við tæplega 30 krókaaflamarksbáta. Að óbreyttu má því gera ráð fyrir að byrjað sé að leggja bátum og skipum vegna kvótaleysis og að útgerðum sem það gera muni aðeins fjölga á komandi dögum og vikum. Það staðfesta útgerðarmenn sem rætt hafa við 200 mílur.

Umfjöllunina má lesa í heild sinni í blaði 200 mílna.