Sigrún Björk til Húsavíkur í fyrsta sinn

Nýr bátur kom til heimahafnar á Húsavík í gærkvöldi. Nýsmíðin ber nafnið Sigrún Björk ÞH-100 og var smíðuð fyrir útgerðina Dodda ehf, sem rekin er af hjónunum Hauki Eiðssyni og Unni Sigurðardóttur.

Um er að ræða bát af gerðinni Sómi 990 og er hann smíðaður af Víkingbátum í Rekjavík. Báturinn verður gerður út á handfæri og er 9,9 metrar al lengd og 7,93 brúttótonn.

Bátnum var ekið til Akureyrar í gær og sigldi Haukur honum þaðan til Húsavíkur.

Útgerðin gerði áður út 15 brúttótonna línubát að nafni Karólína ÞH-100 sem smíðaður var fyrir útgerðina 2007.

Sigrún Björk er af gerðinni Sómi 990. mbl.is/Hafþór

• Blogga um frétt