„Þetta eru mikilvægar framkvæmdir“

Framkvæmdir standa nú yfir við sanddælingu og dýpkun Sundahafnar á Ísafirði. Hollenska dæluskipið Hein er á svæðinu og með búnaði þess verða tæplega 100 þúsund tonn af sandi fjarlægð. Þeim jarðvegi er svo dælt á Suðurtanga á Skutulsfjarðareyri sem þar nýtist í landfyllingu, að því er fram kemur í Morgunblaðinu í dag.

„Þetta eru mikilvægar framkvæmdir sem hafa tafist í langan tíma. Grynningar hér á sundunum hafa síðustu ár komið í veg fyrir að allra stærstu skemmtiferðaskip geti komið hingað inn til Ísafjarðar og lagst að bryggju. Af þeirri ástæðu hefur hafnarsjóður orðið af miklum tekjum, svo miklu máli sem farþegaskipin skipta okkur,“ segir Hilmar Kristinsson Lyngmó, hafnarstjóri á Ísafirði.

Nánar má lesa um málið í Morgunblaðinu.