„Verulega er vanmetið hversu oft og hve mikið er farið yfir ágengnismörk í einstökum ám,“ segir í álitsgerð sem unnin er af Arev tölfræði fyrir Landssamband veiðifélaga. Var fyrirtækinu gert að fara yfir þann þátt áhættumats Hafrannsóknastofnunar sem lýtur að áhættumatslíkani fyrir ágengni eldislax í laxveiðiám á Íslandi, að því er fram kemur í umfjöllun sem birt var í síðasta blaði 200 mílna.

Vert er að geta þess að endurskoðun áhættumatsins fer nú fram, en Hafrannsóknastofnun óskaði eftir því í október síðastliðnum að Samráðsnefnd um fiskeldi myndi fresta umfjöllun um áhættumat erfðablöndunar þar þtil lokið væri við endurskoðunina. Var ákvörðunin tekin í kjölfar slysasleppingu fjölda eldislaxa úr sjókví í Patreksfirði.

Frétt af mbl.is

Endurmeta áhættumat vegna fiskeldis

Í álitsgerðinni sem unnin var fyrir Landssambandið er bent á fleiri þætti sem talið er að betur megi fara og segir að við mat á ágengnismörkum sé oft stuðst við erlendar hlutfallstölur. „Flestar eiga þær sér einhverja stoð í ritrýndum fræðigreinum, en eru þó oftast staðfærðar. Mikið vantar upp á að sú staðfærsla sé í samræmi við góða tölfræðivenju.“

Þá sé ekki tekið tillit til þess að villtum fiskum hafi verið að fækka í flestum ám undanfarin ár við mat Hafrannsóknastofnunar á fjölda þeirra. Er notkun tíu ára meðaltals við mat á fjölda villtra laxa í ám sagt valda „tölfræðilega marktæku ofmati“ og er lagt til að stuðst verði frekar við fimm ára meðaltal.

„Þetta er ágætis ábending sem við skoðum,“ svarar Ragnar Jóhannsson, rannsóknastjóri á ferskvatns- og eldissviði Hafrannsóknastofnunar, spurður um þá gagnrýni sem snýr að notkun tíu ára meðaltals.

Umfjöllunina má lesa í heild sinni í síðasta blaði 200 mílna.

Tengdar fréttir

Fiskeldi

„Enginn flokkur tekið málið í fangið“

• Strokulaxar setja mark sitt á laxveiðiár
• Eldisrisi fjárfestir milljörðum í þekkingu
• 5.196 laxar hafi sloppið úr landeldisstöð
• Strokulöxum fækkar í norskum ám

» Fleiri tengdar fréttir