Ísland verið leiðandi

Þetta kemur fram í skýrslunni Íslenskur sjávarútvegur í fararbroddi, sem kynnt var á fundi Samtaka fyrirtækja í sjávarútvegi (SFS) í gær. Hildur Hauksdóttir, sérfræðingur í umhverfismálum hjá SFS, segir í samtali við Morgunblaðið að íslenskur sjávarútvegur hafi verið leiðandi í að minnka sótspor sitt.

„Við höfum ekki séð viðlíka árangur neins staðar, hvorki hjá atvinnugreinum hér á landi né erlendis. Í Noregi til dæmis hefur sjávarútvegurinn dregið úr olíunotkun um 10% frá árinu 2005 svo þau eiga langt í land með að ná þeim árangri sem við höfum náð,“ segir hún.

Boltinn hjá stjórnvöldum

Gunnþór Ingvason, forstjóri Síldarvinnslunnar, var meðal þeirra sem héldu erindi á fundinum og talaði hann meðal annars um mikilvægi þess að raunhæf markmið væru sett hvað varðar orkuskipti í sjávarútvegi.

Í samtali við Morgunblaðið segir hann að hann telji brýnt að leggja áherslu á að auka orkuöflun á grænni orku.

Gunnþór Ingvason, forstjóri Síldarvinnslunnar. mbl.is/Kristinn Magnússon

„Við þurfum að klára þau verkefni sem eru aðkallandi innanlands og staðreyndin er sú að það vantar orku til að óþarfa olíubrennslu sé hætt í landinu.“

Í skýrslu SFS kemur meðal annars fram að fiskimjölsverksmiðjur hafi þurft að hverfa aftur til olíunotkunar í sinni starfsemi, þrátt fyrir að margar þeirra séu rafvæddar. Þar vanti líka að styrkja flutningskerfið en einhverjar verksmiðjur eiga ekki kost á rafmagni. Gunnþór segir að það sé umhugsunarefni að Ísland hafi ekki sinnt orkuöflun með nægilegum hætti á síðustu misserum.

Nánar má lesa um málið í Morgunblaðinu í dag.