Varðskipið nálgast

Varðskipið Freyja nálgast hollenska flutningaskipið Treville sem varð aflvana þrjár sjómílur út af Rifstanga í nótt. Akkeri skipsins hefur haldið vel og er Landhelgisgæslan í góðu sambandi við útgerð skipsins og áhöfnina um borð.

Þetta segir Ásgeir Erlendsson, upplýsingafulltrúi Landhelgisgæslunnar.

Að sögn Ásgeirs er staðan óbreytt frá því í morgun. Enn á eftir að ákveða hvernig skipið verði flutt til næstu hafnar.

Er það í höndum útgerðarinnar að ákveða það. Kemur það líklega í ljós á næstu klukkustundum hvernig því verði háttað.

Frétt af mbl.is

Flutningaskip vélarvana út af Rifstanga

Á leið frá Akureyri

Þyrlusveit Landhelgisgæslunnar, áhöfnin á Freyju og sjóbjörgunarsveitir á vegum Landsbjargar voru kallaðar út laust fyrir klukkan þrjú í nótt vegna flutningaskipsins.

Samkvæmt upplýsingum á marinetraffic.com er erlenda flutningaskipið frá Hollandi og ber nafnið Treville. Var það á leið frá Akureyri þegar það varð vélarvana.

Aðspurður kveðst Ásgeir ekki vera með upplýsingar um hvað hafi valdið biluninni eða hversu margir séu um borð í skipinu.

Veður sé þó með rólegu móti og allt líti vel út að svo stöddu.

• Blogga um frétt