Sólberg fyrsti íslenski togarinn með UNO
Setja bókamerki
Fiskvinnsluvélin UNO virðist hafa reynst vel um borð Sólbergi ÓF og hefur Ísfélag hf. gengið frá samningi við Vélfag ehf. um að festa kaup á tækinu og verður togarinn nú sá fyrsti hér á landi með tækið um borð.
Prófanir með UNO um borð í Sólberginu stóðu yfir fyrr á árinu og voru samningar undirritaðir á síðasta degi alþjóðlegu sjávarútvegssýningarinnar í Barselóna á Spáni í gær, að því er fram kemur í tilkynningu á Facebook-síðu Vélfags.
UNO er alhliða vinnsluvél sem getur leyst fjórar til fimm eldri vélar af hólmi. Vélin tekur við slægðum fiski og sér um að flaka, skera út beingarð og roðrífa án utanaðkomandi aðstoðar. Þannig skilar tækið frá sér flökum sem eru tilbúin til snyrtingar.
Vex ört
Eftirspurn hefur farið vaxandi frá því að tækið var kynnt til leiks og var meðal annars undirritaður samningur á síðasta ári við við DFFU í Þýskalandi um að UNO-vél yrði í nýjum togara félagsins Berlin.
Þá var á síðasta ári einnig undirritaður samningur við Brim um kaup á UNO-vél sem sett yrði upp hjá dótturfélagi útgerðarinnar í Hafnarfirði, Fiskvinnslunni Kambi.
Ör vöxtur hefur verið hjá Vélfagi undanfarið og fjölgaði starfsfólki um 40% á síðasta ári og starfa nú 36 hjá fyrirtækinu. Reynir B. Eiríksson, framkvæmdastjóri Vélafags, sagði í samtali við 200 mílur í desember fjölgun starfsmanna væri nauðsynlegt til að standa undir vaxandi eftirspurn.
„Það stefnir í metár í rekstri Vélfags, en velta hefur aukið talsvert á árinu sem er að líða,“ sagði Reynir.
/frimg/1/53/8/1530844.jpg)
Myndir: Náttúrulegur þröskuldur að taka við
Dómur þyngdur um þrjú ár
„Höfum sloppið bærilega með skaða af þessu gosi“
Hótar Bretum og Bandaríkjamönnum
/frimg/1/53/8/1530849.jpg)
Fatlaður drengur fær ekki þjónustu í verkfalli
Viðræður ekkert þokast frá því á þriðjudag
Hópur fólks reyndi að komast að eldgosinu
Fullvissa ferðamenn um að hér sé öruggt