Mjög ólík­legt er að mak­ríll mun sjást upp með öllu land­inu í sum­ar eins og árið 2014. Jafn­framt er ekki lík­legt að hann verði áber­andi í miklu magni á Íslands­miðum.

Þetta sagði Anna Heiða Ólafs­dótt­ir, fiski­fræðing­ur hjá Haf­rann­sókna­stofn­un­ar, á mál­stofu í húsa­kynn­um stofn­un­ar­inn­ar sem hald­in var í dag. Vísaði hún meðal ann­ars til sam­drátt­ar í stofn­stærðinni.

Tók hún þó fram að það sé ómögu­legt á grund­velli nú­ver­andi þekk­ingu að spá fyr­ir með vissu hvort mak­ríll­inn mun sjást á Íslands­miðum í sum­ar.

Í er­indi sínu fór Anna Heiða yfir niður­stöður fleiri mis­mun­andi rann­sókna á mak­ríln­um og geta fjöl­marg­ar ólík­ar breyt­ur haft áhrif á göng­ur mak­ríls­ins. Hafa göng­ur mak­ríls­ins verið óút­skýrðar um nokk­urt skeið en ljóst þykir að ein­ung­is hita­stig og fram­boð af ætu virðist ekki vera nóg til að út­skýra hvert fisk­ur­inn leit­ar.

Frétt af mbl.is

Hvarf mak­ríls­ins flókið viðfangs­efni

Mak­ríll­inn vill helst halda sér í sjó sem er á bil­inu átta til þrett­án stig og er vitað að stærri fisk­ur hafi getu til að ganga lengra og þola kald­ari sjó að sögn Önnu Heiðu. Kann því stofn­stærðin að hafa áhrif á út­breiðslu teg­und­ar­inn­ar því um­hverf­is Ísland er sjór oft á mörk­um þess að vera of kald­ur fyr­ir mak­ríl­inn.

Mak­ríl­stofn­inn hef­ur minnkað mikið sam­kvæmt niður­stöðum vís­inda­manna, en vegna skort á samn­ing­um milli strand­ríkja hef­ur veiði verið á bil­inu 9-86% um­fram ráðgjöf Alþjóðahaf­rann­sókn­aráðsins (ICES) á hverju ári frá 2010.

Frétt af mbl.is

42% minni mak­ríl­stofn

Breytt hrygn­ing­ar­svæði

Þá benda rann­sókn­ir til þess að hrygn­ing­ar­svæði mak­ríls­ins hafi stækkað til norðurs aðallega vegna hækk­andi hita­stigs í Nor­egs­hafi.

Anna Heiða sagði það geta haft þau áhrif að stofn­inn leiti frek­ar með haf­straum­um upp með Nor­egi á fæðugöngu að lok­inni hrygn­ingu í stað þess að leita vest­ur, enda er það styttra að sækja í fæðuna þá leið.

Stofn­stærðin sem og breyt­ing­ar í hrygn­ing­ar­svæði mak­ríls­ins gæti því dregið úr lík­um á því að hann gangi til vest­urs inn í ís­lenska lög­sögu.

Tengd­ar frétt­ir

Mak­ríl­veiðar

Norðmenn sæta harðri gagn­rýni í Evr­ópu

• 130 þúsund tonna upp­hafskvóti í mak­ríl
• Fá að færa 25% mak­ríl­kvót­ans á næsta ár
• Ein­ing um heild­arkvóta en ekki skipt­ingu
• Legg­ur til 22% lækk­un á mak­ríl­veiðum

» Fleiri tengd­ar frétt­ir

• Blogga um frétt