Þorskafli strandveiðibáta jókst á öllu landinu
Setja bókamerki
Það fiskaðist vel á fyrstu fjórum dögum strandveiða og var landað ríflega 1.200 tonnum af þorski eða rúm 12% af þeim þorski sem heimilt er að landa á strandveiðitímabilinu.
Athygli vekur að meðalþorskafli í löndun eykst á öllu landinu á fyrstu fjórum dögum veiðanna 2024 borið saman við sama tímabil 2023.
Í samantekt Landssambands smábátaeigenda sem byggir á gögnum Fiskistofu sést einnig að bátum sem taka þátt í veiðunum fjölgar um 35 í 570 og er fjölgun á næstum ölum veiðisvæðum. Aðeins er samdráttur á svæði B þar sem bátum sem lönduðu strandveiðiafla voru fjórir færri á fyrstu fjóru veiðidögum 2024 en lönduðu á sama tímabili 2023.
Mesta aukningin á svæði C
Til marks um stórbætta þorskveiði má sjá að þorskaflinn eykst meira en fjöldi báta og fjöldi landanna. Þá er samdráttur þorskafla á svæði B aðeins 1% þrátt fyrir að bátum fækkaði um 4%.
Mestur var meðalþorskafli í löndun á svæði A (Vesturlandi) þar sem hann nam 753 kílóum. Áberandi er mikil aukning meðalþorskafla í löndun á svæði C (Norðaustur- og Austurland) þar sem hún nemur 11% og er það nánast tvöföld aukning miðað við þar sem hún jókst næst mest, á svæði B.
Harðákveðinn í að setjast ekki í helgan stein
Snjóruðningur hófst um fjögur í nótt
„Við erum sátt“
Jimmy Carter er látinn
„Þetta verður ekki spennandi seinni partinn“
Myndskeið: Borgarísjaki birtist óvænt við Blönduós
Vandamál með lendingarbúnað í annarri flugvél
Ekkert lát á árekstrum