Skipstjórinn handtekinn: Gögn benda til áreksturs
Setja bókamerki
Skipstjóri og tveir stýrimenn af flutningaskipinu Longdawn hafa verið handteknir grunaðir um að hafa yfirgefið mann í skipsháska.
Siglingagögn skipsins, strandveiðibátsins og ágangur á stefni Longdawn þykja gefa til kynna að næsta víst sé að skipið hafi hvolft bátnum að sögn Karls Gauta Hjaltasonar, lögreglustjóra í Vestmannaeyjum.
Túlkar við skýrslutöku
Karl Gauti segir mennina hafa réttarstöðu sakborninga og að notast þurfi við túlka í skýrslutöku sem nú standa yfir. Tveir mannanna eru frá Rússlandi en sá þriðji er ættaður frá Asíu að sögn Karls Gauta.
Skipinu var stefnt til hafnar af Landhelgisgæslunni og voru menn handteknir þegar þeir komu að landi að sögn hans.
Kemur í ljós hvað menn vissu
„Það kemur í ljós fljótlega hvort mönnunum verður sleppt eftir skýrslutöku. Það fer eftir framburði þeirra,“ segir Karl Gauti.
„Það lítur út fyrir að vera nokkuð víst að skipið hefur klesst á þennan bát. Það er ákoma á stefninu og leiðir þeirra stefna saman á þessum tíma,“ segir Karl Gauti og bætir við að siglingagögn sýni það.
„Svo þarf að koma í ljós hvort menn hafi vitað af þessu,“ segir Karl Gauti.
Lyklaskipti í ráðuneytunum
Ellefu skjálftar síðasta sólarhringinn
Samfylking og Viðreisn gáfu loforð
„Hagræðingarmál eru í fyrsta sæti“
Skattamál verði líklega „þeirra mesta klemma“
Það er ekkert partí án spurninga!
Hrikalegt að heyra fréttirnar
„Mér finnst gamla Samfylkingin komin aftur“