Tveir í haldi til morguns
Setja bókamerki
Tveir einstaklingar úr áhöfn flutningaskipsins Longdawn verða áfram í haldi lögreglunnar í Vestmannaeyjum í nótt.
Karl Gauti Hjaltason, lögreglustjóri í Vestmannaeyjum, staðfesti þetta í samtali við mbl.is. Karl segir skýrslutökur yfir mönnunum hafa gengið vel.
Verða þeir í haldi alla vega í nótt en í fyrramálið verður tekin ákvörðun um hvort það verði frekari aðgerðir gagnvart þeim.
Mannbjörg varð þegar strandveiðibátur sökk norðvestur af Garðskaga í nótt. Siglingagögn skipsins, strandveiðibátsins og ágangur á stefni Longdawn þykja gefa til kynna að skipið hafi rekist á bátinn og hvolft honum.
Var skipinu var stefnt til hafnar af Landhelgisgæslunni í framhaldinu og voru mennirnir handteknir þegar þeir komu að landi. Þeir eru grunaðir um að yfirgefa mann í sjávarháska.
Skipið er við bryggju í Vestmannaeyjum og verður alla vega þar til á morgun.
Bjarni ræddi við Selenskí: Úkraína þarf „tæki og tól“
„Ég er nánast uppgefin eftir þessa kosningabaráttu“
Stakk mann eftir kossaflens og fær fimm ára dóm
Landspítali skaðabótaskyldur vegna læknamistaka
„Fyrr dett ég niður dauður“
Sjöundi forseti Íslands kjörinn í dag