Mennirnir í haldi lögreglunnar á Suðurnesjum
Klara Ósk Kristinsdóttir
Setja bókamerki
Skipstjóri flutningaskipsins Longdawn og annar stýrimaður þess, rússneskir að þjóðerni, eru enn í haldi lögreglunnar. Þeir eru þó komnir í hendur lögreglunnar á Suðurnesjum sem fer með rannsókn málsins.
Þetta staðfestir Karl Gauti Hjaltason, lögreglustjóri í Vestmannaeyjum, í samtali við mbl.is og bætir við að mennirnir hafi verið færðir í hendur lögreglunnar á Suðurnesjum í gærkvöldi. Lögreglan í Vestamannaeyjum fer þó áfram með rannsókn á skipinu.
Taka ákvarðanir um frekari aðgerðir í dag
„Nú þarf auðvitað að taka ákvörðun um hvort það eigi að hefta þeirra för eitthvað,“ segir Karl Gauti, sem greindi frá því í samtali við mbl.is í gærkvöldi að í fyrramálið yrði tekin ákvörðun um hvort það yrðu frekari aðgerðir gagnvart þeim.
Úlfar Lúðvíksson, lögreglustjóri á Suðurnesjum, staðfestir að mennirnir séu komnir í hendur lögreglunnar á Suðurnesjum og bætir við að ákvörðun um áframhaldandi gæsluvarðhald verði tekin fyrir hádegi.
Lögreglan í Eyjum rannsakar skipið
Þrátt fyrir að mennirnir séu komnir í hendur lögreglunnar á Suðurnesjum segir Karl Gauti lögregluna í Vestmannaeyjum áfram fara með rannsókn á skipinu, sem hefur verið í Vestmannaeyjahöfn síðan í gærmorgun. Var því stefnt til hafnar af Landhelgisgæslunni og voru þrír menn handteknir þegar þeir komu að landi. Einum þeirra hefur verið sleppt.
Mennirnir voru handteknir eftir að strandveiðibátur sökk norðvestur af Garðskaga á þriðja tímanum í fyrrinótt. Siglingagögn skipsins, strandveiðibátsins og ágangur á stefni Longdawn þykja gefa til kynna að skipið hafi rekist á bátinn og hvolft honum.
Fæðuöryggi: „Áttum mat í þrjár vikur“
Ekki hægt að slá gosið út af borðinu strax
Formaðurinn útilokar ekki undirritun í kvöld
Heimildarmenn tala um hápólitískt drama
Fundur hafinn hjá kennurum, ríki og sveitarfélögum
Dæla, kæla og verja mikilvæg mannvirki
Ákærður fyrir stunguárás á menningarnótt
Íslensk kona handtekin á Tenerife eftir líkamsárás