Skipstjóri og stýrimaður í farbann
Setja bókamerki
Héraðsdómur Suðurnesja hefur fallist á kröfu lögreglunnar á Suðurnesjum um farbann skipstjóra og stýrimanns flutningaskipsins Longdawn vegna rannsóknar á sjóslysi.
Mennirnir hafa verið úrskurðaðir í fjögurra vikna farbann. Annar þeirra hefur þegar kært úrskurðinn til Landsréttar.
Þetta kemur fram í tilkynningu frá lögreglunni á Suðurnesjum.
Handteknir í Vestmannaeyjum
Til þess að tryggja rannsóknarhagsmuni voru mennirnir handteknir í Vestmannaeyjum við komu skipsins þangað í gærdag.
Í gærkvöldi voru þeir svo fluttir til Suðurnesja, þar sem þeir voru vistaðir þar til unnt var að færa þá fyrir Héraðsdóm Suðurnesja.
Í hádeginu í dag var borin fram krafa um að þeir yrðu úrskurðaðir í farbann á meðan frekari rannsókn færi fram.
Grunur um árekstur
Eins og fram hefur komið kom til áreksturs Longdawn og strandveiðibátsins Höddu HF 52 sem hvolfdi í fyrrinótt. Þorvaldur Árnason sjómaður og lyfjafræðingur slapp við illan leik.
„Ummerki eru eftir ákomu á báðum sjóförunum sem þykir styrkja mjög grun lögreglu um árekstur sem orsök þess að bátnum hvolfdi. Rannsókn lögreglu miðar m.a. að því að upplýsa með hvaða hætti það atvikaðist,“ segir í tilkynningu lögreglu.
Rannsókn miðar ágætlega, en gagnaöflun og skýrslutökur standa enn yfir.
Þórdís Kolbrún skipuð sérstakur sendifulltrúi
Tveir enn á gjörgæslu eftir skotárásina
„Stendur ekkert til að létta þessu taumhaldi“
Neita sök í stóra kristal metamfetamínmálinu
/frimg/1/54/68/1546822.jpg)
Sums staðar er spáð ofsaveðri
„Viðvaranir dynja á okkur úr öllum áttum“
Sólarhringsaðstoð á hverfastöðvum borgarinnar