Óvenju mörg útköll á sjó
Setja bókamerki
Þyrlusveit Landhelgisgæslunnar var í gærkvöldi kölluð út í fjórða sinn á tveimur dögum vegna atvika úti á sjó. Um er að ræða óvenju mörg útköll að sögn Ásgeirs Erlendssonar, upplýsingafulltrúa Gæslunnar.
Þyrlusveitin var kölluð út á hæsta forgangi á þriðja tímanum á fimmtudag þegar strandveiðibátnum Höddu HF 52 hvolfdi.
Sveitin var svo kölluð út tvisvar sinnum seinna um daginn vegna veikinda um borð í íslenskum fiskiskipum.
Maður sóttur 40 sjómílum vestan Látrabjargs
Þyrlusveitin var svo kölluð út á tíunda tímanum í gærkvöldi vegna veikinda um borð í íslensku fiskiskipi sem var á veiðum 40 sjómílum vestur af Látrabjargi.
Þyrlan flaug frá Reykjavík og var komin að skipinu um miðnætti og maðurinn var hífður um borð.
Í kjölfarið var hann fluttur á Reykjavíkurflugvöll þar sem sjúkrabíll beið eftir manninum og flutti hann á Landspítalann en hann var kominn þangað um eitt leytið.
„Þannig að þyrlusveitin hefur haft í nægu að snúast þegar kemur að útköllum úti á sjó. Þau eru óvenju mörg síðustu þrjá daga,“ segir Ásgeir.
Fólk á fleiri en 30 bifreiðum þurfti aðstoð
Ók í gegnum rúðu og reyndi að nema banka á brott
Skiptar skoðanir um frestun landsfundar
300 tonn af búslóðum Grindvíkinga beint á haugana
Bókun 35 enn stjórnarskrárbrot
/frimg/1/50/98/1509812.jpg)
Fá misvísandi skilaboð um strætóstöð
