Átakanlegt að missa fyrirtækið úr bænum
Setja bókamerki
Forseti bæjarstjórnar Ölfuss segir að það sé tilfinningalega átakanlegt að missa Ísfélagið úr Þorlákshöfn. Fyrr á árinu misstu níu manns vinnuna hjá fiskvinnslunni og á miðvikudaginn fengu þeir 26 starfsmenn sem eftir voru að vita að uppsögn væri í vændum.
„Okkur finnst þetta frekar sorglegt að fyrirtæki af þessari gerð sé að hverfa úr samfélaginu. Þetta er eitt af stærstu fiskvinnslu- og útgerðarfyrirtækjum í Þorlákshöfn,“ segir Gestur Þór Kristjánsson, forseti bæjarstjórnar Ölfuss, í samtali við mbl.is.
Vonar að fólk fái vinnu í Þorlákshöfn
Flestir starfsmennirnir sem eru að missa vinnuna eru búsettir í Þorlákshöfn.
„Vonandi fá þau vinnu hér áfram. Ég veit að þeir [Ísfélagið] hafa sjálfir verið að reyna hjálpa fólki við að fá vinnu annars staðar,“ segir Gestur.
Er vinnu að fá í Ölfusi?
„Já það er í raun ekkert atvinnuleysi þannig vonandi fær þetta fólk vinnu hérna áfram. Fólk sem er búið að vinna hérna lengi og skjóta hér rótum.“
Hryggjarstykkið í vinnslunni horfið
Bæjarstjórn Ölfuss fékk formlega að vita af áformum Ísfélagsins á fimmtudag en degi á undan hafði félagið tilkynnt starfsmönnum sínum að uppsagnir væru í vændum í næstu viku.
Stefán Friðriksson, forstjóri Ísfélagsins, sagði í samtali við mbl.is í morgun að eftir að humarveiðum var hætt árið 2021 hafi hryggjarstykkið í vinnslunni horfið.
Ísfélagið rekur frystihús og fiskimjölsverksmiðju í Vestmannaeyjum og á Þórshöfn, frystihús í Þorlákshöfn og rækjuverksmiðju á Siglufirði. Stefán sagði að vinnslurnar í Vestmannaeyjum og á Þórshöfn anni því hráefni sem Ísfélagið hefur yfir að ráða.
Gestur nefnir að Þorlákshöfn sé upphaflega byggð upp í kringum útgerð og fiskvinnslu og því sé tilfinningalega átakanlegt að horfa á eftir fyrirtækinu fara úr bænum.
„Sársauki okkar er nístandi“
„Ég hef verið kjaftaskur mikill“
Efla vill semja beint við dagforeldra
Ákærður fyrir tilraun til manndráps
Náðun stuðningsmanna Trumps vekur ólík viðbrögð
Ekki tekist að vernda börn þrátt fyrir vitneskju
Viljum hvorki vera Danir né Bandaríkjamenn
Inga Sæland fyrir og eftir ráðherrastólinn