Forsetaframbjóðendur munu takast á í sjómennskukeppni á bryggjunni fyrir framan Brim við Reykjavíkurhöfn klukkan 15.15 í dag. Keppt verður í flökun og hnýtingum auk þess sem farið verður í spurningakeppni. 

Markmiðið er að fá frambjóðendur til að tengja sig grundvallaratvinnugrein Íslands í gegnum aldirnar, sjávarútvegi, sér í lagi af því tilefni að kosningar eru daginn fyrir sjómannadaginn sem nú verður haldinn í 86. sinn.

Hægt er að horfa á Sjómennskukeppni forsetaframbjóðenda hér að neðan: 

Líkamlegir aflsmunir veiti ekki forskot 

Keppninni stjórnar Aríel Pétursson, formaður Sjómannadagsráðs og verður Bolli Már Bjarnason, útvarpsmaður og skemmtikraftur, bæði kynnir og lýsandi. Gengið verður út frá því að hafa gleðina við völd og því eru allar þrautirnar og spurningarnar þess eðlis að virðing sé höfð fyrir frambjóðendum og því embætti sem þeir gefa kost á sér til.

Jafnframt er tryggt að keppendur standi jafnfætis í þrautunum og líkamlegir aflsmunir veiti ekki forskot. Höfuðatriðið er þannig að skapa jákvæða stemmningu, en meðal keppnisgreina er flökun, hnýtingar og spurningakeppni.

Tengdar fréttir

Forsetakosningar 2024

117 ágreiningsseðlar teknir fyrir: Halla réttkjörin

• Fólk almennt sátt með kjör Höllu
• Kishida sendi síðbúnar kveðjur til Höllu
• Flestir ánægðir með Höllu
• Hækka þarf þröskuld meðmæla

» Fleiri tengdar fréttir

• Blogga um frétt