Ferja fisk að verðmæti 70 milljóna króna

Á ferð blaðamanna mbl.is í Grindavík í dag var rætt við Jóhann Vigni Gunnarsson, yf­ir­mann land­vinnslu hjá Þor­birni, fyrir utan fiskivinnsluna. Þar var hann að sækja vörur sem áttu að fara út í gær en var ekki hægt sökum rafmagnsleysis og rýmingar.

Að sögn Jóhanns voru þetta 50 tonn af fiski sem þurfti að ferja, en aflaverðmætið er í kringum 70 milljónir króna.

Fjölskylda Jóhanns er bæði með íbúð á höfuðborgarsvæðinu og í Grindavík og hann hyggst halda því þannig.

Ætlarðu að vera áfram í Grindavík?

„Við verðum áfram með íbúð hérna í Grindavík og rekstur, en krakkarnir eru í skóla í bænum og við ætlum ekkert að raska því,” segir Jóhann.  

Ýmis handtök þurfti að vinna í Þorbirni í dag. mbl.is/Eyþór

• Blogga um frétt