Elín Björg nýr fiskistofustjóri

Elín Björg Ragnarsdóttir mun taka við stöðu fiskistofustjóra frá 1. júní. Bjarkey Olsen Gunnarsdóttir matvælaráðherra skipaði hana í stöðuna fyrr í dag. 

Skipun Elínar er með tilliti til tillaga hæfnisnefndar og var auglýst laust til umsóknar í janúar. Skipunin er til fimm ára, segir í tilkynningu.

Hefur starfað á Fiskistofu síðan 2016

Elín Björg er með meistaragráðu í lögfræði frá Háskólanum á Bifröst og með grunnnámsgráðu í viðskiptalögfræði frá sama skóla. Hún er með diplómagráðu í hafrétti frá Rhodes Academy of Oceans Law and Policy og hefur lokið námi í fiskiðn og fisktækni frá Tækniskólanum. 

Hún hefur starfað á Fiskistofu síðan 2016. Fyrst sem verkefnastjóri gæða- og þróunarmála og síðar sem sviðstjóri veiðieftirlitssviðs og starfar sem staðgengill fiskistofustjóra. 

Hún hefur einnig fengist við ýmiss ráðgjafastörf samhliða störfum í feðraþjónustu og var um tíma framkvæmdastjóri Samtaka fiskframleiðenda og útflytjenda, gæðastjóri hjá Granda og framleiðslustjóri hjá Kjötumboðinu Goða hf. 

Þá var hún á árunum 2016 til 2023 formaður stjórnar Aflsins, samtaka gegn kynferðis- og heimilisofbeldi. 

• Blogga um frétt