Varðskipið Þór kom súrálsskipi til aðstoðar

Varðskipið Þór er komið með vélarvana súrálskip til Reyðafjarðar. Þetta staðfesti vaktmaður Landhelgisgæslunnar í samtali við mbl.is.

Súrálsskipið hafði legið vélarvana við akkeri í Reyðarfirði frá því á laugardag og var óskað eftir aðstoð Landhelgisgæslunnar. Varðskipið Þór sem var á Dalvík fór á staðinn og dró skipið til hafnar í Reyðarfirði seint í gærkvöld.

Auðunn Kristinsson, framkvæmdastjóri aðgerðasviðs Landhelgisgæslunnar, segir í samtali við RÚV að súrálsskipið, sem er 36 þúsund tonn, hafi verið of stórt til að dráttarbátar á svæðinu hefðu ráðið við að draga það að landi.

• Blogga um frétt