Gamla varðskipið komið aftur heim

Gamla varðskipið Týr er aftur komið í íslenska landhelgi og dólaði úti á Faxaflóa í gær. Skipið var sem kunnugt er selt úr landi og kallast nú Poseidon V, að því er fram kemur í Morgunblaðinu.

Ástæðan fyrir komu þess hingað til lands er að það á að sækja systurskip sitt, gamla varðskipið Ægi, og draga til Grikklands þar sem ætlunin er að þau verði notuð til ferjusiglinga.

Frétt af mbl.is

Ægir bíður eftir drætti

Samkvæmt upplýsingum frá Igor Bjarna Kostic, viðskiptastjóra hjá skipamiðluninni Gára, hefur Ægir, sem nú kallast Oceanus V., legið hér einn síðan í ágúst á síðasta ári þegar Týr sigldi á brott. Viðgerðarmenn á vegum nýju eigendanna hafa síðan þá reynt að gera skipið hæft til siglinga enda stóð til að það yrði farið fyrir árslok.

Nánar er fjallað um málið í Morgunblaðinu í dag.