Gagnrýna fyrirhugað efnisnám í sjó

Bæj­ar­yf­ir­völd­um í Vest­manna­eyj­um líst ekki á fyr­ir­hugað efn­is­nám dótt­ur­fyr­ir­tæk­is þýska fé­lags­ins Heidel­berg Mater­ials í sjó úti fyr­ir Land­eyja­höfn.

Hef­ur bæj­ar­stjórn Vest­manna­eyja­bæj­ar gert al­var­leg­ar at­huga­semd­ir vegna óvissu og áhættu sem áhrif fram­kvæmd­anna gætu haft á hryggn­ing­ar­stöðva fisk­stofna, innviði til Vest­manna­eyja og Land­eyj­ar­höfn, að því er seg­ir í fund­ar­gerð um­hverf­is- og skipu­lags­ráðs bæj­ar­ins, þar sem staða máls­ins var kynnt.

Hef­ur bær­inn sent inn um­sögn vegna um­hverf­is­mats­skýrslu um fram­kvæmd­irn­ar, þar sem gerðar eru fjöl­marg­ar at­huga­semd­ir.

Ómiss­andi líflínu sam­fé­lags­ins

Eins og greint hef­ur verið frá í Morg­un­blaðinu áform­ar Heidel­berg efnis­töku und­an strönd Land­eyja- og Eyja­fjallasands í Rangárþingi eystra. Er fyr­ir­hugað að vinna þar allt að 65-80 millj­ón­ir rúm­metra af efni á 30 árum.

Í um­sögn Vest­manna­eyja­bæj­ar er m.a. bent á að svæðið sem um ræðir ná­lægt Land­eyja­höfn hafi að geyma innviði sem séu ómiss­andi líflín­ur sam­fé­lags­ins í Vest­manna­eyj­um.

„Um er að ræða allt raf­magn, neyslu­vatn og sam­göngu­höfn heima­manna. Það er ljóst að ef skemmd­ir verða á ein­hverj­um þess­ara innviða eða að rekst­ur þeirra rask­ast mun kostnaður vegna lag­fær­inga vera gríðarleg­ur og af­leiðing­ar mjög al­var­leg­ar fyr­ir helstu stoðir sam­fé­lags­ins, t.d. hús­næði, at­vinnu­líf, orku­ör­yggi og sam­göng­ur,“ seg­ir í um­sögn bæj­ar­ins.

Svæðið inn­an mik­il­vægs hrygn­ing­ar­svæðis 

Er m.a. bent á að efnis­töku­svæðið sé í ná­lægð við lyk­il­innviði og sam­göngu­höfn Vest­manna­eyja og efn­is­nám geti haft áhrif á set og efn­is­flutn­ing.

Svæðið sé einnig inn­an mik­il­vægs hrygn­ing­ar­svæðis margra fiski­stofna. Fyr­ir­tækið hef­ur lagt fram áætlan­ir um vökt­un og mót­vægisaðgerðir en að mati bæj­ar­yf­ir­valda eru þær ótrú­verðugar „til að tryggja að komið verði í veg fyr­ir al­var­leg áhrif sem hætta er á að hljót­ist af fram­kvæmd­inni“.

Í sam­an­tekt kem­ur fram að Vest­manna­eyja­bær tel­ur „að óvissa, áhætta og óaft­ur­kræfi um­ræddra fram­kvæmda sé slík að ekki sé ásætt­an­legt að veita heim­ild fyr­ir fyr­ir­huguðum fram­kvæmd­um í því um­fangi og á því svæði sem til­greint er í um­hverf­is­mats­skýrslu“.