Ólík­legt er að frum­varp um lagar­eldi verði aft­ur lagt fram í haust, að sögn mat­vælaráðherra, þar sem enn er mik­ill ágrein­ing­ur um það á þing­inu. Það yrði þá verk­efni næstu rík­is­stjórn­ar að end­ur­skoða lag­aramm­ann um fisk­eldi.

Frum­varpi Bjarkeyj­ar Ol­sen Gunn­ar­dótt­ur mat­vælaráðherra um lag­ar­eldi hef­ur verið frestað þar sem rík­is­stjórn­in nær ekki sam­an um málið í at­vinnu­vega­nefnd. Upp­haf­lega stóð til að klára málið fyr­ir þinglok.

Bjarkey seg­ir að sér finn­ist það mik­il von­brigði að frum­varpið hafi ekki verið af­greitt á vorþingi.

„Ég því miður held að við séum stödd af­skap­lega lengi á þeim stað sem við erum á í dag. Þetta hefði verið til mik­illa bóta til þess að bæta lagaum­hverfið, eins og ég hef oft sagt,“ seg­ir hún í sam­tali við blaðamann mbl.is.

Frétt af mbl.is

Lagar­eld­is­frum­varpið ekki í gegn á þessu þingi

Sumt sem hún er ekki til í að breyta

Upp­haf­lega stóð til að klára málið fyr­ir þinglok en nú er komið annað hljóð í strokk­inn. Held­urðu að þið í stjórn­ar­flokk­un­um náið sam­an um þetta mál næsta haust?

„Nei, ég er held­ur ekki búin að taka ákvörðun um það hvort ég komi aft­ur fram með málið,“ svar­ar mat­vælaráðherra og held­ur áfram:

„Það var búið að leggja til mjög marg­ar breyt­ing­ar á þess

u, það hefði verið miklu betra. Og ég er ekk­ert að sjá að það verði gengið eitt­hvað lengra þó ég myndi leggja það fram aft­ur með þeim breyt­ing­um sem nefnd­in er búin að vera að vinna að.

Því það er ásteyt­ing­ar­steinn þarna sem snýr fyrst og fremst að gjöld­um og sekt­um sem ég er ekki til í að breyta.“

Frétt af mbl.is

„Þetta er metnaðarfullt frum­varp“

Verk­efni fyr­ir næstu rík­is­stjórn?

En ef þú legg­ur ekki fram þetta frum­varp í haust, er það þá bara verk­efni næstu rík­is­stjórn­ar að skoða lag­aramm­ann um lagar­eldi?

„Ja, eins og ég segi, þá er ég ekki búin að úti­loka það [að ég leggi það aft­ur fram] en ég tel ekki lík­legt að ég geri það,“ svar­ar hún og bæt­ir við:

„Já, já, þá verður það vænt­an­lega verk­efni næstu rík­is­stjórn­ar.“

Frétt af mbl.is

Lagar­eld­is­málið fyrst á dag­skrá

Tengd­ar frétt­ir

Alþingi

Varaþingmaður fór með ruslið til Rúv: „Ekki boðlegt“

• Hild­ur: „Hér er mikið í húfi“
• „Það er það sem okk­ur ber að gera“
• „Það er eng­inn að reyna að koma sér und­an því“
• „Það er sann­an­lega rangt“

» Fleiri tengd­ar frétt­ir

Fisk­eldi

Seldu lax fyr­ir 12 millj­arða í fyrra

• Mat­væla­stofn­un ósk­ar eft­ir lög­reglu­rann­sókn
• Arctic Fish setti út á breytt leyfi ÍS47
• Rann­saka gat á kví með 117 þúsund löx­um
• Lax­inn þolir illa hávaða

» Fleiri tengd­ar frétt­ir

• Blogga um frétt