Síðasti strandveiðidagur þessarar viku var í gær og hefur nú verið landað 76% af þorskkvótanum sem veiðunum hefur verið úthlutað, 11% af ufsakvótanum og 25% af gullkarfakvótanum.

Lög gera ráð fyrir að hverjum strandveiðibát verði heimilað að stunda veiðar í tólf daga í maí, júní, júlí og ágúst en í ljósi kvótastöðunnar í þorski er útlit fyrir að styttist í að strandveiðar verði stöðvaðar af Fiskistofu.

Þó getur farið svo að rúmlega þúsund tonna þorskkvóta verði bætt við strandveiðarnar, en ríkið aflaði nýverið um þrettán hundruð tonna heimildir í þorski í skiptum fyrir makríl á tilboðsmarkaði.

Frétt af mbl.is

Tæplega fimm kíló af makríl fyrir eitt af þorski

Alls hefur verið landað 7.563,9 tonnum af þorski. Þar af hefur tæplega 55% verið landað á veiðisvæði A (Vesturlandi), 17% á veiðisvæði B (Strandir að Eyjafirði), 10% á veiðisvæði C (Norðaustur og Austurland) og 18% á svæði D (Suðurland að Borgarfirði).

Athygli vekur að töluvert betur hefur gengið að ná ufsanum á veiðisvæði D þar sem hefur verið landað rúmlega 60 tonnum af tegundinni eða um 56% af öllum ufsa sem strandveiðibátar hafa borið að landi.

Tengdar fréttir

Strandveiðar

Vekja umtal um strandveiðarnar

• Sóknardagar myndu bæta kerfið að sögn skipstjóra
• Strandveiðiflotinn skilaði 5 milljörðum króna
• Ekki gott að tímabilinu sé lokið
• Strandveiðum lýkur í dag

» Fleiri tengdar fréttir

• Blogga um frétt