Tveir strönduðu í Patreksfirði í dag

Smábátur og fiskibátur strönduðu með átta klukkustunda millibili í Patreksfirði í dag. Þetta kemur fram í tilkynningu frá Landhelgisgæslunni. Engan sakaði. 

Í fyrra tilfellinu kallaði smábátur eftir aðstoð og var áhöfn björgunarskipsins Varðar II send á vettvang. Hafði báturinn fengið rekald í skrúfuna í mynni fjarðarins. 

Vörður II kemur smábát til aðstoðar. Ljósmynd/aðsend

Eins strandaði lítill fiskibátur í fjörunni inn af bænum og var áhöfnin kölluð út á ný um miðjan dag. Þegar að var komið var ljóst að lítið yrði að gert og báturinn á þurru eftir útfall.

Farið var að athuga með bátinn þegar flæddi að um klukkan 17 og var hann þá þegar á floti og því var hann dreginn með taug til hafnar.

Skipverja sakaði ekki en báturinn er sagður lítillega skemmdur.

• Blogga um frétt