Eftirvænting vegna komu þriggja nýsmíða í sumar

Von er á þremur nýsmíðum í íslenska flotann í sumar. Er þar um að ræða togarana Huldu Björnsdóttur GK sem smíðaður er fyrir Þorbjörn og nýja Sigurbjörgu ÁR fyrir Ísfélagið auk uppsjávarskipsins Hákons ÞH sem smíðaður er fyrir Gjögur.

Hægt hefur verið að fylgjast með smíðum skipanna á netinu og hefur undanfarið tyrkneska skipasmíðastöðin Celiktrans birt myndir af nýrri Sigurbjörgu og er togarinn hinn myndarlegasti.

Sigurbjörgin er myndarleg. Ljósmynd/Celiktrans

Skipasmíðastöðin Karstensens hefur reglulega birt myndir af framgangi vinnu um borð í nýjum Hákoni en skipasmíði er ekki ítið verk enda þarf allt að smella saman oft í takmörkuðu plássi.

Af myndum að dæma gengur vinnan í Hákoni vel.

Nýr Hákon ÞH kemur til Íslands í sumar. Ljósmynd/Karstensens Skibsværft A/S

Nokkuð er í land að Hákon verði tilbúinn til veiða. Ljósmynd/Karstensens Skibsværft A/S

Ljósmynd/Karstensens Skibsværft A/S

• Blogga um frétt