Aflaheimild aukin um 2 þúsund tonn
Setja bókamerki
Matvælaráðherra hefur ákveðið að auka aflaheimild upp á 2 þúsund tonn af þorski á yfirstandandi strandveiðitímabili.
Þetta kemur fram í tilkynningu á vef Stjórnarráðsins.
Bjarkey Olsen Gunnarsdóttir matvælaráðherra hefur undirritað breytingu á reglugerð sem heimilar aukna aflaheimild. Heildarráðstöfun í þorski til strandveiða átti að vera 10 þúsund tonn en verða nú í stað 12 þúsund tonn.
Lög gera ráð fyrir að hverjum strandveiðibát verði heimilað að stunda veiðar í tólf daga í maí, júní, júlí og ágúst.
Aukningin kemur af skiptimarkaði
„Með þessari aukningu hækkar hlutfall strandveiða á þorski upp í rúm 55% af þorski innan félagslega hluta fiskveiðistjórnunarkerfisins. Svo stórum hluta heimilda hefur ekki verið ráðstafað til strandveiða áður,“ segir í tilkynningunni.
Aukningin kemur af skiptimarkaði, þar af 1.300 tonn af þorski sem fengust í skiptum fyrir heimildir á makríl.
„Þessi ákvörðun er tekin til að rétta af þann halla sem er afleiðing þess fyrirkomulags sem hefur verið á strandveiðum þar sem sum byggðarlög hafa borið skarðan hlut frá borði,“ er haft eftir Bjarkeyju í tilkynningunni.
Barn lést í árásinni
Forstjóri bendir á ábyrgð birgja vegna verðhækkana
Kristrún Frostadóttir verður forsætisráðherra
„Tímabil aukinnar eldvirkni“
Lát hjóna í Neskaupstað: Ákæra gefin út
Þetta eru ráðherrar ríkisstjórnarinnar
Stormur á Þorláksmessu en víðast hvar stefnir í hvít jól
„Börn heima sem maður myndi vilja hafa í skjóli“