Náttúruverndarsamtök Íslands skora á Guðlaug Þór Þórðarson, umhverfis-, orku- og loftslagsmálaráðherra, að innleiða tafarlaust, og framfylgja af staðfestu, skilyrðislausu banni við notkun svartolíu, að því er fram kemur í bréfi sem samtökin hafa sent ráðherranum. 

Benda samtölin á að í dag, 1. júlí, tekur gildi bann við notkunsvartolíu á Norðurslóðum í samræmi við ákvörðun sem tekin var fyrir þremur árum á vettvangi Alþjóðasiglingamálastofnunarinnar (IMO) um nýjan viðauka við MARPOL-samninginn.

„Aðildarríki IMO hafa haft nægan tíma til að innleiða reglurnar í landslög og banna skipum sem sigla undir fána þeirra að flytja eða nota svartolíu sem skipaeldsneyti á norðurslóðum. Útgerðir flutningaskipa sem sigla um norðurhöf hafa sömuleiðis haft nægan tíma til undirbúnings með því að skipta yfir í hreinna eldsneyti. Norðmenn hafa þegar innleitt bannið á hafsvæðinu í kringum Svalbarða,“ segir í bréfinu. 

Bent er á að með banninu er hægt að draga stórlega úr hættu á alvarlegum olíuslysum þar sem svartolía dreifist um norðurhöf. Auk þess verði með þessu dregið úr sótmengun sem gegnir stóru hlutverki í loftslagsbreytingum af mannavöldum. 

Frétt af mbl.is

Aðgerðir verði að fylgja viljayfirlýsingum

Þá skora Náttúrusamtökin á ráðherra að „ sjá til þess að öll skip á norðurslóðum fari eftir reglunum, í nánu samstarfi fánaríkisog hafnarríkis um eftirliti, þar með talið eftirlit með eldsneyti sem er um borð ískipum sem sigla um norðurslóðir.“

Einnig er ráðherra hvattur til að styðja stækkun á því svæði sem bannið nær til þannig að það gildi norðan 60. breiddagráðu, auk þess sem hann er beðinn um að „hvetja íslensk skipafélög til að starfa í anda reglugerðarinnar, og fela sig ekki á bakvið undanþágur.“

Bann við notkun svartolíu hér við land var bannað 2019 en hægt hefur verið að fá undanþágu frá banninu séu skip búin hreinsunarbúnaði. Búnaðurinn hefur þó verið gagnrýndur fyrir að auka hafmengun með því að sturta efnum sem síuð eru úr útblæstri í sjóinn.

Frétt af mbl.is

Segja hreinsunarbúnað mengunarvald

Bréf Nattúruverndarsamtaka Íslands

Tengdar fréttir

Loftslagsvá

Hitamet slegið í kjölfar skógarelda

• Það er ekki allt að fara til fjandans
• Um 2.000 börn deyja daglega vegna loftslagsmengunar
• Vægast sagt ósanngjarnt að tala um ekkert samráð
• Aukinn samdráttur en ekki nóg miðað við markmið

» Fleiri tengdar fréttir

Mengandi hreinsibúnaður skipa

Svíar banna einnig búnað sem Íslendingar leyfa

• Sætir takmörkunum í 37 ríkjum
• Banna mengandi búnað sem leyfður er á Íslandi
• Telja losun skolvatns örugga séu skilyrði uppfyllt
• Aðgerðir verði að fylgja viljayfirlýsingum

» Fleiri tengdar fréttir

• Blogga um frétt